სრულიად საქართველოს კათოლიკოს-პატრიარქი ილია მეორე სვანეთში მუზეუმის დანგრევის გამო შეწუხებულია.
"სვანეთში დაანგრიეს მუზეუმი და ძვირფასი ხატები და ნივთები, რომლებიც იქ ინახებოდა, სპეციალურად გაკეთებულ სათავსოშია ჩაკეტილი. ის იმდენად მოუხერხებელია და იმდენად საშიშია, რომ ყინვამ და თოვლმა შეიძლება დააზიანოს. ამიტომ ეს ხატები გადატანილი იქნება წმინდა ნიკოლოზის ეკლესიაში მანამ, სანამ არ აშენდება ახალი მუზეუმი, სადაც ყველაფერი გაკეთდება ხატების შესანახად", - ბრძანა პატრიარქმა.
შეგახსენებთ, რომ მესტიაში ძველი მუზეუმის დემონტაჟისას საგანძური და სიწმინდეები დროებით სპეციალურ კონტეინერებში მოათავსეს.
