ფინანსთა მინისტრი დიმიტრი გვინდაძე 2012 წლის 1-ლი სექტემბრიდან პენსიების გაზრდას რაციონალურ გადაწყვეტილებას უწოდებს.
დღეს პარლამენტის პლენარულ სხდომაზე გამოსვლისას ფინანსთა მინისტრმა განაცხადა, რომ პენსიების გაზრდის შესახებ გადაწყვეტილება ფისკალური შესაძლებლობებიდან გამომდინარე მიიღეს.
საპარლამენტო ოპოზიცია დაინტერესდა, რატომ იზრდება პენსია 2012 წლის 1-ლი სექტემბრიდან და არა მომავალი წლის 1-ლი იანვრიდან.
გვინდაძის განმარტებით, ბევრ ქვეყანაში პენსიების ზრდასთან დაკავშირებით გადაწყვეტილება ინერციით მიიღეს, რაც ბუმერანგივით უკან მიუბრუნდათ.
შეგახსენებთ, რომ 2012 წლის 1-ლი სექტემბრიდან პენსია გაიზრდება.
