"თავისუფალი დემოკრატების" ლიდერმა, ირაკლი ალასანიამ, გურჯაანის რაიონის მოსახლეობასთან შეხვედრა გამართა და მათი პრობლემები მოისმინა.
მან გურჯაანის რაიონში ასევე მოინახულა სოფლების - ბაკურციხისა და კაჭრეთის მაცხოვრებლები. შეხვდა ბაკურციხეში ჩასახლებულ დევნილებს.
ირაკლი ალასანიას განცხადებით, მოსახლეობა ყურადღებას და თანადგომას ითხოვს. "როგორც სხვა რაიონებში, აქაც ზამთრისთვის სამზადისის საკითხი იმდენად მწვავედ დგას, რომ ვეიქრობ, ხელისუფლება დაინტერესებულია ეს ხალხი ზამთარში გაიყინოს", - განაცხადა ალასანიამ.
მისივე მთქმით, გლეხებს მამაპაპისეულ ადგილებში შეშის მოჭრის საშუალებას აღარ აძლევენ. ყურძნის ჩაბარების შედეგად კი გლეხს, ერთ კილოგრამზე 10-5 თეთრი რჩება. "აი ეს არის ის რეალური მდგომარეობა, თუ როგორ ჩატარდა წელს რთველი", - აღნიშნა მან.
