საქართველოში ბაქტერია შიგელათი დაავადების 50-ზე მეტი შემთხვევა დაფიქსირდა.
როგორც დაავადებათა კონტროლისა და საზოგადოებრივი ჯანმრთელობის ეროვნულ ცენტრში განმარტავენ, დაინფიცირების არც ერთ შემთხვევას სერიოზული გართულება არ მოჰყოლია და დაავადების მკურნალობა ხშირ შემთხვევაში სტაციონარულად ხდება.
ინფექცია ფეკალურ-ორალური გზით გადაიცემა და ის, ძირითადად, ბავშვებშია გავრცელებული.
როგორც დაავადებათა კონტროლის ეროვნულ ცენტრში აცხადებენ, სპეციალისტები უკვე მუშაობენ გახშირებული შემთხვევების მიზეზების დასადგენად. ისინი მოსახლეობას დაავადების თავიდან ასაცილებლად, ჰიგიენური ნორმების დაცვას ურჩევენ.
