35-კილოვოლტიან გადამცემ ხაზზე „ვერა-1" სარემონტო სამუშაოების გამო 9 ნოემბერს 01 საათიდან 07 საათამდე ჩუღურეთის, მთაწმინდისა და კრწანისის რაიონების ნაწილს ელექტრომომარაგება დროებით შეეზღუდება.
ელექტრომომარაგება შეეზღუდება: რუსთაველის გამზირის, გრიბოედოვის, ალექსანდრე ჭავჭავაძის, ვირსალაძის, ბროსეს, ლაღიძის, აღმაშენებლის გამზირის, მარჯანიშვილის, კონსტიტუციის, უზნაძის და მიმდებარე ქუჩების მაცხოვრებლებს და ორგანიზაციებს. დაგეგმილი შეზღუდვის შესახებ ორგანიზაციებს კომპანია `თელასმა" წინასწარ უკვე აცნობა.
სარემონტო სამუშაოების დამთავრებისთანავე მომხმარებლებს ელექტროენერგიის მიწოდება აღუდგება.
