შემოდგომით Apple პლანშეტური კომპიუტერის iPad-ის ახალ ვერსიას გამოუშვებს. ტაივანური ინტერნეტპორტალის, DigiTimes-ის ინფორმაციით, ეს იქნება iPad 2-ის გაუმჯობესებული ვერსია, ხოლო iPad 3-ი გაყიდვაში 2012 წლის მესამე კვარტალში ჩაეშვება.
iPad 2S-ს გაუმჯობესებული ბატარეა ექნება და მისი მუშაობის ხანგრძლივობა საკმაოდ იქნება გაძლიერებული. iPad 2, დღეისათვის ბაზარზე ყველაზე პოპულარული კომპიუტერია და ამიტომ Apple-უც ახალი მოდელის გამოშვებას არ ჩქარობს.
ახალ პლანშეტურ კომპიუტერს Retina display-ის 9,7-დიუმიანი ეკრანი ექნება.
ანალიტიკოსები აცხადებენ, რომ 2012 წელი Apple-ისთვის საკმაოდ წარმატებული იქნება, რადგანაც iPad 3-თან ერთად ბაზარზე Apple-ის iPhone 5 და iMac-ის განახლებული ვერსია გამოვა.