ხვალ დილიდან გამოიდარებს. როგორც "ჯი-ეიჩ-ენს" გარემოს ეროვნული სააგენტოს მოკლევადიანი პროგნოზების განყოფილების უფროსმა, დოდო გვაზავამ განუცხადა, თბილისში დღეს თოვა არ იქნება ხანგრძლივი.
თბილისში პირველი თოვლი დღეს მოვიდა. როგორც სინოპტიკოსი აცხადებს, ხვალიდან აღარ მოთოვს, თუმცა დედაქალაქში ტემპერატურა არამდგრადი იქნება.
"ხვალ დილიდან გამოიდარებს. რაც შეეხება დანარჩენ დღეებს, 17 ნოემბრამდე არამდგრადი ტემპერატურა ფიქსირდება", - განაცხადა გვაზავამ.
ცნობისთვის, თოვლჭყაპი 9 ნოემბერსაც დაფიქსირდება.
აღსანიშნავია, რომ რეგიონებშიც თოვს. კახეთში თოვლის საფარმა უკვე 30 სანტიმეტრს გადააჭარბა.
