პოპულიარულ ამერიკელ მომღერალს, მსახიობს და წამყვანს ენდი უილიამსს, რომელმაც 18 ოქროს და 3 პლატინის ალბომი გამოუშვა კიბოთია დაავადებული და მის დამარცხებას აპირებს. ამის შესახებ თავად 83 წლის უილიამსმა მის მიერ ქალაქ ბრენსონში აშენებული თეატრის Moon River Theater სცენიდან განაცხადა.
უილიამსმა პირობა დადო, რომ ავადმყოფობის მიუხედავად მომავალ წელს იგი სცენას დაუბრუნდება, რათა შოუ-ბიზნესში მოღვაწეობის 75 წლისთავი აღნიშნოს.
„მე შარდის ბუშტის კიბო მაქვს. მაგრამ ახლა ეს არაა სასიკვდილო განაჩენი. ახლა უფრო და უფრო მეტი ადამიანი ამარცხებს კიბოს და ვაპირებ რომ ერთ- ერთი მათგანი ვიყო", - განაცხდა უილიამსმა Moon River Theater-ის სცენიდან.
1970 წლების დასაწყისში უილიამსმა ჩაწერა სიმღერა ცნობილი კონოფილისთვის „ნათლიმამა" - "Speak Softly Love" (ილაპარაკე ჩუმად, საყვარელო). ასევე ძალიან პოპულარული იყო მისი სიმღერა "Where Do I Begin" (საიდან დავიწყოთ)
