საბერძნეთის ოპოზიციის ლიდერმა ანტონის სამარსმა ქვეყნის პრემიერ-მინისტრს გეორგიოს პაპანდრეუს კიდევ ერთხელ მოუწოდა დატოვოს თანამდებობა. შესაბამისი განცხადება სამარსმა ქვეყნის პრეზიდენტთან კარლოს პაპულიასომთან შეხვედრის შემდეგ გააკეთა.
„ქვეყანას არ უნდა ჰყავდეს მარიონეტი პრემიერი: მას სჭირდება პოლიტიკოსების მთავრობა", - განაცხდა სამარსმა.
ანტონის სამარსი კოალიციური მთავრობის ფორმირების შესაძლებლობას განიხილავს, რომელიც ქვეყანაში არსებულ დეფოლტის საშიშროებას თავიდან აიცილებს.
თავის მხრივ, მემარცხენე რადიკალური კოალიციის ლიდერმა ალეკსის ტსიპრატსმა აღნიშნა, რომ ამჟამიდელი მთავრობა ხალხის თვალში უკანონოა.
„ამჟამიდელი მთავრობა ხალხის თვალში უკანონოა. პრემიერმა მოითხოვა კაბინეტისთვის ნდობის გამოცხადება, რომელიც მას ფაქტობრივად არ ჰყავს", - განაცხადა ტსიპრატსმა.
ოპოზიცია მოითხოვს შეიქმნას დროებითი კოალიციური მთავრობა და აცხადებს, რომ მზად არის მოლაპარაკებებისთვის პაპანდრეუს გადადგომის შემთხვევაში.