მთავრობა "ყვარლის ღვინის მარნს" ყიდის. "ყვარლის ღვინის მარნის" გასხვისებას ეკონომიკისა და მდგრადი განვითარების სამინისტრო, 17 ნოემბრისთვის დაგეგმილ აუქციონზე აპირებს. მარანს დებიტორული დავალიანება არ გააჩნია, ხოლო ობიექტის კრედიტორული დავალიანება - 71259.92 ლარი (02.11.2011 წლის მდგომარეობით); კაპიტალი კი - 1 269 446 ლარი (15.10.2011 წლის მდგომარეობით). "ყვარლის ღვინის მარნის" საწყისი ღირებულება 280 ათასი ლარია.
მყიდველი ვალდებულია განახორციელოს საპრივატიზებო ობიექტის - შპს ,,ყვარლის ღვინის მარნის" საგადასახადო დავალიანების - 10 ათას 851 ლარის სრულად დაფარვა ელექტრონული აუქციონის დასრულებიდან 30 კალენდარული დღის ვადაში.
მყიდველი ვალდებულია ასევე შესაბამისი ნასყიდობის ხელშეკრულების გაფორმებიდან 2 წლის განმავლობაში საპრივატიზებო ობიექტზე განახორციელეოს არანაკლებ 500 ათასი ლარის ინვესტიცია.
