კომპანია ბილაინი საქართველოში LTE ( Long Term Evaluation ) -ის ტექნოლოგიის ბაზაზე, საქართველოში პირველად, მეოთხე თაობის ინტერნეტის ( 4G ) ის პრეზენტაციას მოაწყობს.
პრეზენტაცია გაიმართება ბაკურიანში, საგანგებოდ ამ დღისთვის შექმნილ " ინოვაციური ტექნოლიგიების სადემონტრაციო ზონაში " .
პრეზენტაციას მედიის წარმომადგენლები, ბლოგერები და სხვა და სხვა უნივერსიტეტების ტექნიკური და აიტი მიმართულების პროფესორ-მასწავლებლები დაესწრებიან.
LTE -ს ტექნოლოგია არის მეორე და მესამე თაობის ინტერნეტის ძირითადი ევოლუციური მიმართულება, რომელიც ჯერ-ჯერობით მსოფლიოს 35 ქვეყანაში არის დანერგილი.
აღსანიშნავია ის ფაქტი, რომ ამიერკავკასიის და დ.ს.თ.-ს ყოფილ ქვეყნებში ( უზბეკეთის და ყაზახეთის გარდა) საქართველო პირველი ქვეყანაა , სადაც 4 G -ს ტესტირება მოხდება.
ფიჭური კავშირის ოპერატორთა საერთაშორისო გაერთიანების "UMTS forum " - ის პროგნოზით, 2015 წლისათვის, LTE - გან მიღებული საერთო შემოსავალი 150 მილიარდ ა.შ.შ მილიარდ დოლარს შეადგენს.
მეოთხე თაობის კავშირის ტექნოლოგიის თეორიული სიჩქარე 326, 4 მბ/ წ ( მეგაბიტი წამში) შემომავალ არხში და 172, 8 მბ/ წ გამავალ არხშია.
შედარებისთვის მეორე თაობის კავშირის ტექნოლოგიის თეორიული სიჩქარე 473 კბ/ წ ( კილობიტ წამში ) - ა, ხოლო მესამე თაობის კავშირის ტექნოლოგიის თეორიული სიჩქარე 28 ( მეგაბიტ წამშია) .
რაც იმას ნიშნავს, რომ 4 G -ის შესაძლებლობები 3 G-ის შესაძლებლობას დაახლოებით 11 ჯერ აღემატება.
მობილური ოპერატორისთვის 4G-ს დანერგვა ნიშნავს ტექნიკური აღჭურვილობების წარმადობის მაქსიმალურ ზრდას, დაფარვის ხარისხის და რაც ყველაზე მნიშვნელოვანია აბონენტთა მომსახურების გაუმჯობესებას .
LTE -ს ახალი შესაძლებლობების გათვალისწინებით, ოპერატორებს რადიოსიხშირის გამოყენებით, შეუძლიათ კონტენტის გადაცემა ტელევიზიის და რადიოს პარალელურად.
მეორე და მესამე თაობის ინტერენტიდან LTE -ზე გადასვლის შემთხვევაში, მომხმარებელს შესაძლებლობა ეძლევა უკეთესი ხარისხი მიიღოს, მრავალმომხმარებლიანი
ინტერაქტიული 3D თამაშების , გასართობი ინტეგრირებული ონლაინ ცენტრი
(თამაშები, ვიდეო, მუსიკა), რეალურ დროში სხვადასხვა არხების ჩვენება,
ჩაწერა ,შეჩერება და სხვა მოწყობილობაზე გადართვის , ვიდეოზარის განხორციელება
რამოდენიმე მონაწილესთან ერთად, ექიმის დისტანციური კონსულტაციები,
დიაგნოსტიკის მოხმარებისას.
"მოხარულები ვართ, რომ ბილაინი არის პირველი კომპანია, რომელმაც საქართველოში და ამიერკავკასიაში 4 G -ის ტესტირება მოახდინა. ჩვენთვის პირველ რიგში მნიშვნელოვანია ის ფაქტი, რომ მივიღეთ ამ ტექნოლოგიურ შესაძლებლობებთან მუშაობის გამოცდილება.
თუმცა ეს არ არის მეოთხე თაობის ინტერნეტის კომერციული გაშვება, მანამ სანამ მომხმარებლები მისით სარგებლობას შეძლებენ, საკმაოდ ხანგრძლივი პროცედურის გავლა იქნება საჭირო.
პირველ რიგში, აუცილებელია, რომ ოპერატორებს 4G-ს ლიცენზიის შეძენის შესაძლებლობა მიეცეთ, ამის შემდეგ შესაძლებელი გახდება,რომ საქართველო შეუერთდეს მსოფლიოს იმ 35 ქვეყანას სადაც უკვე შესაძლებელია 10 ჯერ სწრაფი ინტერნეტის მომხმარება " განახადა ბილაინის გენერალური დირექტორი ანდრეი პიატახინი.