5 ნოემბრიდან დაბალტარიფიანი ავიაკომპანია flydubai რეგულარული რეისების შესრულებას იწყებს. რეისები დუბაიდან თბილისის მიმართულებით კვირაში ორჯერ, სამშაბათს და შაბათს ბოინგ 737-800 ტიპის ავიახომალდით შესრულდება. ორი გზის ღირებულება 270 აშშ დოლარს შეადგენს. როგორც სასტუმრო "თბილისი მარიოტში" ავიაკომპანიის მიერ გამართულ პრესკონფერენციაზე, Flydubai-ის აღმასრულებელმა დირექტორმა გაიტ ალ გაიტმა განაცხადა, ბილეთის ღირებულებაში შედის ძირითადი მომსახურეობები, როგორიცაა ხელბარგი, ხოლო დამატებითი ბარგის არის ფასიანი. გაიტ ალ გაიტი აცხადებს, რომ მგზავრისათვის ესა თუ ის სერვისი არის არჩევითი და სწორედ ამის საფუძველზე ახერხებს კომპანია დაბალი ფასის შენარჩუნებას. ხოლო რაც შეეხება დამატებით სევისებს, მგზავრს თვითმფრინავის სალონში სხვადასხვა სახის გართობაც შეეძლება.
პირველი რეისი დუბაიდან 5 ნოემბერს თბილისის დროით 03:10 საათზე ჩამოფრინდება, ხოლო თბილისიდან განრიგის მიხედვით 03:55 საათზე გაფრინდება, ფრენის ხანგრძლივობა 3 საათია.
5 ნოემბერს flydubai-ის პირველი ავიახომალდის ჩამოფრენასთან დაკავშირებით თბილისის საერთაშორისო აეროპორტში გაიმართება სპეციალური ცერემონია, რომელსაც დაესწრება "ტავ ჯორჯიას" ხელმძღვანელობა, flydubai -ის აღმასრულებელი დელეგაცია და ეკიპაჟის წევრები.
Flydubai-ის მენეჯმენტი მიიჩნევს, რომ ავიაკომპანიის საქართველოში შემოსვლა, ხელს შეუწყობს არა მარტო ვაჭრობის განვითარებას, არამედ ორ ქვეყანას შორის ეკონომიკური და ტურისტული კავშირების გაღრმავებას და ქვეყნებს შორის თანამშრომლობას.
ეკონომიკისა და მდგრადი განვითარების მინისტრი კი აცხადებს, რომ პირდაპირი ავიარეისების დანიშვნა ქვეყანაში არაბული ინვესტიციების წინაპირობაა.
"იდი ინტერესი არის დუბაიდან ინესტიციების კუთხით, რათა მათ ჩადონ ინვესტიციები საქართველოში, როგორც სოფლის მეურნეობაში, სამშნებლო და სატრანსპორტო ბიზნესში და ასევე ლოჯისტიკაში. თუმცა ეს ვერ განხორციელდება თუ ქვეყნებს შორის არ იქნება პირდაპირი ავიარეისები, რათა ბიზნესმენები საქართველოში ჩამოვიდნენ. პირველი ნაბიჯი არის პირდაპირი ავიარეისები დუბაიდან თბილისში და მერე ნაბიჯი კი იქნება დიდი და მნიშვნელოვანი ტურისტული ნაკადი საქართველოს მიმართულებით. ველოდებით, რომ 2012 წელს ტურისტების რაოდენობა გაიზრდება და ეს საქართველოსთვის ახალი ბაზარი იქნება"- აღნიშნა ვერა ქობალიამ.
კომპანია "ტავ ჯორჯიაში", რომელიც თბილისის საერთაშორისო აეროპორტის ოპერირებას ახდენს, აცხადებენ, რომ დუბაი-თბილისის პირდაპირი რეისი არა მარტო სავაჭრო-კომერციულ კავშირს გაამყარებს ორ ქვეყანას შორის, არამედ ქართველ მგზავრებს შესაძლებლობას გაუზრდის იმოგზაურონ მსოფლიოს მრავალი ქვეყნის მიმართულებით.
"ქართულ ავიაბაზარზე ყოველი ახალი ავიაკომპანიის შემოსვლა ტურიზმის განვითარებისკენ გადადგმული კიდევ ერთი ნაბიჯია, რასაც ტავ ჯორჯიას ყოველთვის სიხარულით მიესალმება. კეთილი იყოს flydubai შემოსვლა საქართველოში"- აცხადებს "ტავჯორჯიას" გენერალური მენეჯერი მეთე ერქალი.
ამჟამად, დუბაის მიმართულებით რეისებს კვირაში ორჯერ ავიაკომპანია "აირზენა" ასრულებს.
შეგახსენებთ, რომ Fly Dubai 2008 წელს დაარსდა. იგი Emirate Airline-ის შვილობილი კომპანიაა, რომელიც რეისებს მსოფლიოს 45 ქვეყნის მიმართულებით ასრულებს. კომპანია მომხმარებელს დაბალ ფასსა და მომსახურების მაღალ ხარისხს სთავაზობს. Fly Dubai-ის 189-ადგილიანი ახალი თაობის ბორტი ბოინგი 737-800 აქვს, რომელიც აღჭურვილია უახლესი HD სენსორული ეკრანებითა და რეკაროს ბრენდის თანამედროვე სავარძლებით.
