მესამე დღეა თბილისში უპრეცედენტი აქცია გრძელდება - საზოგადოების წარმომადგენლები და რიგითი მოქალაქეები ბიზნესმენ ბიძინა ივანიშვილის კუთვნილ "ბანკ ქართუში" ანგარიშებსა და დეპოზიტებს ხსნიან.
ბანკის ინფორმაციით, სამი დღის განმავლობაში უკვე გახსნილია 4 ათასი ანგარიში და დეპოზიტი და შეტანილია დაახლოებით 400 ათასი ლარი (240 ათასი აშშ დოლარი).
ბანკში აღნიშნავენ, რომ საქმე ფულის რაოდენობას არ ეხება, არამედ ამ ჟესტით უპრეცედენტო მხარდაჭერას აქვს ადგილი. ბანკის განყოფილებებში ადამიანები საათობით დგანან რიგებში. მრავალი მათგანი აცხადებს, რომ ბანკში მხოლოდ რამდენიმე ლარი შეაქვთ და ამით ბიზნესმენ ბიძინა ივანიშვილს მორალურ მხარდაჭერას უცხადებენ.
