გურჯაანის რაიონის სოფელ კაჭრეთში მომხდარი ავტოსაგზაო შემთხვევა მსხვერპლით დასრულდა. მძღოლი, რომელიც სატვირთო მანქანის გადაბრუნების შედეგად მანქანის ქვეშ მოჰყვა, მაშველებმა ოთხი საათის განმავლობაში ვერ გამოიყვანეს, რის გამოც 62 წლის გივი ც-შვილი ადგილზე დაიღუპა.
მანქანის გადაბრუნებიდან ოთხი საათის განმავლობაში სამაშველო სამუშაოები არ მიმდინარეობდა. მაშველები აცხადებდნენ, რომ სატვირთო მანქანა თხევადი ჟანგბადით იყო დატვირთული და ვიდრე არ დაიცლებოდა, მანამდე ახლოს მისვლა საშიში იყო.
ავტოსაგზაო შემთხვევის შედეგად მძღოლის გვერდით მჯდომი მამაკაცი მძიმედ დაშავდა. ის გურჯაანის საავადმყოფოში გადაიყვანეს. ექიმების თქმით, მის სიცოცხლეს საფრთხე არ ემუქრება.
