გურჯაანის რაიონის სოფელ კაჭრეთთან ავტოსაგზაო შემთხვევა მოხდა. ჟანგბადის ბალონებით დატვირთული სატვირთო ავტომანქანა გზის სავალი ნაწილიდან გადავარდა და შიგ მჯდომი ორი მამაკაცი მძიმედ დაშავდა. ერთ-ერთი დაშავებული გურჯაანის საავადმყოფოში გადაიყვანეს, მეორე კი ავტომანქანის ქვეშ არის მოყოლილი.
სატვირთო ავტომანქანის ქვეშ მოყოლილი მამაკაცის გამოყვანას სამაშველო ჯგუფები ცდილობენ.
„პაციენტს აღენიშნება ჭრილობა მკერდისა და თავის არეში. მისი ჯანმრთელობის მდგომარეობა ამჟამად სტაბილურია", - განუცხადა კახეთის საინფორმაციო ცენტრს გურჯაანის რაიონული საავადმყოფოს მორიგე მედდამ თამილა ლიპარტაშვილმა.
მასალის გამოყენების პირობები
