"საჯარო სამსახურის შესახებ" კანონში ცვლილებები შედის, რომლის თანახმად, საჯარო სამსახურებში ატესტაციის გაუქმება და მის მაგივრად ,,შეფასების~ სისტემის დამკვიდრება იგეგმება.
კანონპროექტის მიხედვით, დაწესებულების ხელმძღვანელი ვალდებული იქნება საკუთარ უწყებაში შეფასების ეფექტური სისტემა დანერგოს, რომელიც საჯარო მოსამსახურის პროფესიული ჩვევების, კვალიფიკაციის, შესაძლებლობებისა და დაკავებული თანამდებობისადმი წაყენებულ მოთხოვნებთან შესაბამისობის შეფასების საშუალებას უნდა იძლეოდეს და მოხელეთა შეფასება უნდა განხორციელდეს არანაკლებ წელიწადში ერთხელ.
შეგახსენებთ, რომ აქამდე მოქმედი ნორმით, ატესტაციის ვალდებულება საჯარო მოსამსახურეებს მხოლოდ სამ წელიწადში ერთხელ აქვთ.
ამასთან, ატესტაციას ექვემდებარებოდნენ მხოლოდ მოხელეები, შეფასებას კი ყველა საჯარო მოსამსახურე დაქევემდებარება.
კანონპროექტის ავტორები და ინიციატორები უმრავლესობის წევრები ზვიად კუკავა და ანდრო ალავიძე არიან.
