გურჯაანში მცხოვრებ 13 წლის ბიჭს სასწრაფოდ დახმარება სჭირდება. მოზარდის დედის თქმით, მათ ბავშვის გადასარჩენად ყველაფერი გაყიდეს, ქირით ცხოვრობენ, აქვთ „ტაოს" სამედიცინო დაზღვევის პოლისი, რომელიც ონკოლოგიურ მკურნალობას არ აფინანსებს.
„ჩემს შვილს მარჯვენა ბარძაყის ძვლის სარკომის დიაგნოზი დაუსვეს. ჯერ ამბობდნენ, რომ ფეხის ამპუტაცია იყო საჭირო. შემდეგ საბუთები გერმანიაში გავგზავნეთ და გავარკვიეთ, რომ შესაძლებელია ფეხი შეუნარჩუნდეს. დეკემბერში საქართველოში გერმანელი პროფესორი ჩამოდის და ოპერაციას ის გაუკეთებს. ოპერაცია 7 000 ევრომდე ჯდება, მანამდე კი ქიმიოთერაპიის კურსების ჩატარებაა საჭირო. ოპერაციამდე ქიმიოთერაპიის 6 კურსი უნდა ჩაუტარდეს, ოპერაციის შემდეგ კი 10 კურსი. ერთი კურსი 2 500 ლარი ჯდება. სახლიდან საყოფაცხოვრებო ნივთები, ავეჯი და ოქრო გავყიდეთ და 4 000 ლარის მკურნალობა უკვე ჩავუტარეთ, მაგრამ მეტის საშუალება აღარ გვაქვს. ბინაც კი არ გვაქვს, რომ გავყიდოთ, ქირით ვცხოვრობთ. არც დახმარება გვაქვს და არც დაზღვეულები ვართ. „ტაოს" პოლისი გვაქვს, მაგრამ ონკოლოგიურ მკურნალობას არ აფინანსებს," - განუცხადა მოზარდის დედამ კახეთის საინფორმაციო ცენტრს.
ბიჭუნას დასახმარებლად „საქართველოს ბანკში" გახსნილია ანგარიში:

GE18BG0000000276058800 -  ნოდარ ძუკაევი