დაღესტანში უცნობი პირები თავს პოლიციელებს დაესხნენ. თავდასხმის შედეგად მოკლულია ორი პოლიციელი. ინფორმაციას ამის შესახებ საგამოძიებო კომიტეტის დაღესტნის მიმართულების სამმართველო ავრცელებს.
გავრცელებული ინფორმაციით, ბოროტმოქმედები "ვაზ-2106"-ის ტიპის ავტომობილით მოძრაობდნენ. მათ პოლიციელებს ცეცხლი ავტომატური ცეცხლსასროლი იარაღიდან გაუხსნეს.
"ორი პოლიციელი ადგილზე გარდაიცვლა. თავდამსხმელები მიიმალნენ. ადგილზე ოპერატიულ-სამძებრო ბრიგადა მუშაობს", _ იუწყება რუსული მედია.
