"აფხაზეთისა და ე.წ. სამხრეთ ოსეთის იმ მდგომარეობაში ყოფნა, რა მდოგომარეობაშიც ისინი იმყოფებიან, არა მგონია რუსეთისთვისაც სასარგებლო იყო", - განაცხადა ბიზნესმენმა ბიძინა ივანიშვილმა თბილისში დღეს მოწყობილ პრესკონფერენციაზე.
ივანიშვილი ამ მიმართულებით რუსეთთან ურთიერთობის მოგვარების საფუძველს ინტერესთა თანხვედრაში ხედავს.
"რაც შეეხება რუსეთთან ურთიერთობის დალაგებას, რომელსაც ჩვენი მოსვლის შემდეგ მყისიერად დავიწყებთ - არა მაქვს ილუზია, რომ ეს იქნება იოლი და არც განსაკუთრებული ფორმულები გამაჩნია. დიდი იმედი მაქვს ინტერესთა თანხვედრისა", _ აცხადებს ივანიშვილი და აღნიშნავს, რომ ძირითადი, რისი იმედიც მას აქვს, ინტერესთა თანხვედრაა.
"ძირითადი იმედი არის ის, რომ მოხდება ინტერესთა თანხვედრა. ასეთ სიტუაციაში ყოფნა დღეს აფხაზეთისა და დე-ფაქტო სამხრეთ ოსეთისა, ჩემი აზრით, არც რუსეთისთვისაა სასარგებლო. საერთაშორისო თანამეგობრობასთან ურთიერთბისას ეს, ცხადია, რუსეთს ხელს შეუშლის. ამავდროულად, კავკასიის რეგიონი არის ფეთქებადი რეგიონი და რუსეთის შიდა უსაფრთხოებისათვისაც ეს საინტერესო იქნება", _ აცხადებს ივანიშვილი.
