სსფ-სა და სებ-ის პროგნოზები ინფლაციასთან მიმართებაში თანხვედრილია. როგორც დღეს საქართველოში სსფ-ს მუდმივმა წარმომადგენელმა ედუარდ გარდნერმა განაცხადა, 2011 წლის ბოლოს ინფლაციის მაჩვენებელი 7 %-ი იქნება.
"რაც შეეხება ინფლაციას ვეთანხმებით სებ-ს და მიგვაჩნია, რომ ინფლაციას კლების ტენდენცია აქვს და წლის ბოლოსათვის ველით, რომ ინფლაციის მაჩვენებელი იქნება 7 %-ი", - აღნიშნა გარდნერმა.
საქართველოში სსფ-ს მუდმივი წარმომადგენელი ქვეყნის ეკონომიკური განვითარების ტემპით კმაყოფილია და აცხადებს, რომ სსფ-მ საქართველოს ეკონომიკური ზრდუს ტემპი 5,5 %-დან 6 %-მდე გაზარდა.
"ჩვენ საქართველოსთვის ეკონომიკური ზრდის მაჩვენებელი გავზარდეთ და ის 2011 წლისთვის შეადგენს 6 %-ს, რაც 0,5 %-ითაა გაზრდილი. ჩვენს საიტზე გამოქვეყნებული იყო, რომ საქართველოს ეკონომიკური ზრდის მაჩვენებელი 5,5 %-ს შეადგენდა", - აღნიშნა ედუარდ გარდნერმა