კიევში მიმდინარე საპროტესტო აქციაზე შეკრებილმა ჩერნობილელებმა - ადამიანებმა, რომლებიც ატომურ ელექტროსადგუზე მომხდარი ავარიის შედეგების ლიკვიდაციაზე მუშაობდნენ, უმაღლეს რადაში შეწყევა სცადეს. მათ ლითონის ჯებირი გაარღვიეს და შენობაში შეჭრას შეეცადნენ. ეს ადამიანები მათთვის დაწესებული შეღავათების შემცირებას აპროტესტებენ.
გავრცელებული ინფორმაციით, უკრაინის უმაღლესი რადის შენობა ამჟამად პოლიციასა და სპეცდანიშნულების წარმის წევრებს ბლოკირებული აქვთ. საპროტესტო აქციაში 1 ათასამდე ადამიანი მონაწილეობს. ისინი სკაბდირებენ "სირცხვილია" და მათთან უკრაინელი დეპუტატების გასვლას მოითხოვენ.
მომიტინგეებთან რამდენიმე ოპოზიციონერი დეპუტატი მართლაც გავიდა, მაგრამ მათი სიტყვით გამოსვლა დიდი ხმაურის გამო ვერ მოხერხდა.
შეგახსენებთ, რომ კანონპროექტის მიხედვით, რომელსაც უკრაინის უმაღლესი რადა ამჟამად განიხილავს მოქალაქეთა 16 კატეგორიისათვის შეღავათების გაუქმებას ითვალისწინებს. ამ კანონპროექტის პირველი მოსმენით მიღებამ უკრაინულ საზოგადოებაში შეშფოთება გამოიწვია.
