აჭარაში ჩასულ ტურისტთა რაოდენობა 28 %-ით გაიზარდა. როგორც სააგენტო "ჯი-ეიჩ-ენს" აჭარის ტურიზმის დეპარტამენტში განუცხადეს, წინასწარი ინფორმაციით, 2011 წლის იანვარ-ოქტომბერში სულ აჭარაში 1 მლნ.138 ათას 774 ვიზიტორი ჩავიდა, რაც წინა წლის იანვარ-ოქტომბერთან შედარებით 27,6%-ითა გაზრდილი, ხოლო 2009-თან შედარებით კი 128,9%-ით მეტი. 2010 წლის იანვარ-ოქტომბერში სულ აჭარა 892 ათას 149 ვიზიტორმა მოინახულა, ხოლო 2009 წლის იანვარ- ოქტომბერში კი 497 ათას 525 ვიზიტორმა.
2011 წლის იანვარ-ოქტომბერში აჭარაში ჩასულ უცხოელ ვიზიტორთა რაოდენობა 404 ათას 830 ვიზიტორი იყო, რაც 2010 წლის დროის იმავე პერიოდთან შედარებით 30,6%-ითა გაზრდილი. 2010 წლის სექტემბერში აჭარას 288 ათას 856 უცხოელი ვიზიტორი სტუმრობდა, ხოლო 2009 წელს კი 148 ათას 598 ვიზიტორი.
