კონფერენცია აბდუს სალამის თეორიული ფიზიკის საერთაშორისო ცენტრის - ICTP (Abdus Salam International Centre for Theoretical Physics. Trieste, Italy) ხელშეწყობით ჩატარდება. კონფერენციაზე საპატიო სტუმრის სტატუსით მოწვეულია შვეიცარიელი მეცნიერი, ნობელის პრემიის 1987 წლის ლაურეატი ფიზიკაში, პროფესორი კარლ ალექსანდერ მიულერი. ღონისძიებას განათლებისა და მეცნიერების მინისტრი დიმიტრი შაშკინი და თბილისის სახელმწიფო უნივერსიტეტის რექტორი ალექსანდრე კვიტაშვილი დაესწრებიან.
კონფერენციის მიზანია ხელი შეუწყოს რეგიონიდან (თურქეთი, აზერბაიჯანი, სომხეთი, ყაზახეთი, ყირგიზეთი, უზბეკეთი და ტაჯიკეთი) სამეცნიერო პოლიტიკის გამტარებელი ლიდერებისა და წამყვანი მკვლევარების შეხვედრას, რომლებიც სამომავლოდ ICTP-თან ერთად ფიზიკის და მათემატიკის, ასევე საბუნებისმეტყველო დარგებში კოლაბორაციისა და საერთო პროექტების განხორციელების სტრატეგიას შეიმუშავებენ.

კონფერენცია სამდღიანია და 3 ნოემბერს დასრულდება.