მსახიობ ოთარ კობერიძის მოთხოვნასთან დაკავშირებით "ალია ჰოლდინგი" განცხადებას გაავრცელებს. ამის შესახებ "ჯი-ეიჩ-ენს" ჟურნალისტმა დიტო ჩუბინიძემ განუცხადა.
"გავავრცელებთ განცხადებას. არც ჩვენ ვაპირებთ არავისთან მოლაპარაკებას", - აღნიშნა ჩუბინიძემ.
შეგახსენებთ, რომ მსახიობი ოთარ კობერიძე "ალია ჰოლდინგს" ღირსების შელახვის გამო 50 000 ლარის ოდენობით კომპესაციას სთხოვს. ამის შესახებ "ჯი-ეიჩ-ენს" მსახიობის ადვოკატმა, ვახტანგ მაჭავარიანმა განუცხადა.
"სასამართლოში დაახლოებით ერთი თვის წინ შევიტანეთ "ალია ჰოლდინგის" წინააღმდეგ სარჩელი. ღირსების შელახვის გამო,რაც ქრონიკაში გამოქვეყნებულ სტატიას უკავშირდება, 50-ათასლარიან კომპესაციას ვითხოვთ. სტატიებში ბატონი ოთარი პედოფილიასა და ბავშვების გარყვნაშია დადანაშაულებული, რაშიც "ალია ჰოლდინგიც" ეთანხმება", - განაცხადა მაჭავარიანმა.
ცნობისთვის, მოსამზადებელი სხდომა 17 ნოემბერს დაინიშნა. მაჭავარიანს თქმით, სასამართლო პროცესამდე მსახიობი არავისთან შეხვედრას და მოლაპარაკებას არ აპირებს.
"მოლაპარაკება არ გვქონია და არც ვაპირებთ, ერთი უბრალო მიზეზის გამო: ძალიან შეურაცხყოფილად გრძნობს ბატონი ოთარი თავს. თანაც ჩვენი პოზიციაა, რომ ერთხელ და საბოლოოდ გაირკვას, რისი უფლება აქვს პრესას და რისი არ აქვს. სად გადის წითელი ხაზი. პრესისა და სიტყვის გამოხატვის თავისუფლების კანონს ურევენ ერთმანეთში. ვერ გაურჩევიათ კანონი და ცილისწამება და, აქედან გამომდინარე, ეს უნდა იყოს საჩვენებელი პროცესი", - აღნიშნა "ჯი-ეიჩ-ენთან" საუბარში მაჭავარიანმა.
