"სამტრესტის" ნაცვლად ღვინის ეროვნული სააგენტო შეიქმნება.
მევენახეობა-მეღვინეობის დარგში საქმიანობის მარეგულირებელ ორგანოდ საჯარო სამართლის იურიდიული პირი - ღვინის ეროვნული სააგენტო (სსიპ "სამტრესტის" ნაცვლად, რომელსაც შეეცვალა სახელწოდება) - განისაზღვრება.
საკანონმდებლო ცვლილების ინიციატორი საქართველოს მთავრობაა. დღეს ეს ინიციატივა ბიუროს სხდომაზე დარეგისტრირდა.
შეგახსენებთ, რომ " სამტრესტი " საქართველოს მეღვინეობის დარგის უმნიშვნელოვანესი რგოლია . მას დარგის რეგულირებას ავალებს საქართველოს კანონი " ვაზისა და ღვინის შესახებ ", მინისტრის ბრძანება 130 ( სამტრესტის დებულება ), სხვადასხვა ნორმატიული აქტები . ფაქტობრივად ''სამტრესტი " უნდა არეგულირებდას ყველა პროცესს ნამყენის გამოყვანიდან და ვენახის გაშენებიდან, ყურძნის გადამუშავება და ღვინის წარმოება რეალიზაციამდე . ასევე განახორციელოს ღვინის სერტიფიცირება და ეტიკეტის კონტროლი. ეს უდიდესი ფუნქციები მას ტრადიციის მიხედვით გადაეცა, რადგან სწორედ "სამტრესტ"- თან არის დაკავშირებული ქართული მეღვინეობის ისტორიის უმნიშვნელოვანესი ნაწილი.
"სამტრესტი"-ს ისტორია მე-20 საუკუნის ოციან წლებში იწყება. იმ პერიოდში შეიქმნა კახელ მევენახეთა გაერთიანება "კავშირთკავშირი" , "კახეთი", "იმერეთი", "საერო", "ხვანჭკარა", "წარმოკავშირი" და სხვა.
დღეს ვაზისა და ღვინის დეპარტამენტი ''სამტრესტი'' წარმოადგენს სსიპ-ს.