სახალხო დამცველს ახალი უფლებები ეძლევა. სახალხო დამცველი ან სპეციალური პრევენციული ჯგუფის წევრი უფლებამოსილი იქნება შეამოწმოს ფსიქიატრიულ დაწესებულებებში, მოხუცთა თავშესაფარში და ბავშვთა სახლებში ადამიანის უფლებათა და თავისუფლებათა დაცვის მდგომარეობა.
"ეს საკითხი აქამდე საკანონმდებლო დონეზე არ იყო დარეგულირებული და ახლა რეგულირდება" - განუცხადა "ჯი-ეიჩ-ენს" ახალი საკანონმდებლო ინიციატივის ავტორმა, ადამიანის უფლებათა დაცვის კომიტეტის თავმჯდომარე ლაშა თორდიამ.
ახალ კანონპროექტზე საპარლამენტო კომიტეტები მსჯელობას უახლოეს მომავალში დაიწყებენ.
