საქართველოს მთავრობის მიერ შემუშავებული 10-პუნქტიანი გეგმის თანახმად, ბავშვთა სახლებში 8-9 ბავშვზე მეტი არ იცხოვრებს.
"დაწყებულია უპატრონო ბავშვთა სახლების პროგრამის ტრანსფორმაცია, კერძოდ, არსებული ბავშვთა სახლები შეიცვლება ოჯახური ტიპის (ევროპული მოდელი) სახლებით, სადაც თითო სახლში მშობლების ფუნქციის მატარებელი აღმზრდელები იქნებიან. ერთ სახლში 8-9 ბავშვზე მეტი არ იცხოვრებს. ეს უფრო გაუადვილებს ბავშვს ოჯახის შეგრძნებას. მომავალში კი ჩვეულებრივ სკოლაში მოხდება ასეთი ბავშვების სოციალიზაცია და მათ უფრო გაუმარტივდებათ საზოგადოების სრულფასოვან წევრებად ჩამოყალიბება",- აღნიშნულია გეგმაში.
