საპარტნიორო ფონდის დაფინანსების წყარო შეიძლება გახდეს სახელმწიფო საწარმოების აქციების საერთაშორისო ბირჟებზე განთავსების შედეგად მიღებული თანხები, ამის შესახებ მთავრობის ათ პუნქტიან გეგმაშია აღნიშნული.
პროექტების განხორციელების მექანიზმი ითვალისწინებს ფონდის მხრიდან წილობრივ მონაწილეობას ან ინვესტორთან შესყიდვის ხელშეკრულების გაფორმებას ენერგეტიკის სფეროში წარმოებულ პროდუქციაზე. საკრედიტო რესურსი მოზიდული იქნება საერთაშორისო საფინანსო ინსტიტუტებიდან. ძირითადი პროექტები განხორციელდება ისეთ დასაქმებად ტევად სფეროებში, როგორებიცაა ენერგეტიკის, სოფლის მეურნეობისა და ტურიზმის სფეროები.
როგორც ცნობილია, საქართველოს მთავრობამ შექმნა საპარტნიორო ფონდი. ფონდის აქტივები გამოყენებული იქნება მსხვილი საინვესტიციო პროექტების განსახორციელებლად, რომლებიც უპირატესად საქართველოს საექსპორტო პოტენციალს და დასაქმებას გაზრდიან ისეთი პროექტებით, რომელთაც კერძო სექტორი სახელმწიფოს თანამონაწილეობის გარეშე ვერ ძლევს სასტარტო გარემოებებიდან და რისკებიდან გამომდინარე.
