გურჯაანის რაიონის სოფელ ახაშენის ცენტრში, ყოფილი მეურნოების ორსართულიან შენობას ცეცხლი უკიდია. მეხანძრეები, უკვე რამდენიმე საათია, ხანძრის ლიკვიდაციას ცდილობენ.
შეტყობინება ცეცხლის გაჩენის შესახებ სახანძროში ჯერ კიდევ წუხელ შევიდა.
მეხანძრეები შემთხვევის ადგილზე დროულად მივიდნენ და ცეცხლი ჩააქრეს, თუმცა რამდნემე საათში შენობაში გაცილებით ძლიერი ხანძარი ისევ გაჩნდა.
როგორც იკრვევა, შენობაში არავინ ცხოვრობდა. არ არის ცეცხლის სხვა სახლებზე გადადების საშიშროებაც.
