მთავრობის ათ პუნქტიანი სამოქმედო გეგმის თანახმად, ტურიზმის განვითარება უნდა განხორციელდეს ორი მიდგომის კონბინირებით: `ჰორიზონტული პოლიტიკით~, რაც მიმართულია ტურიზმისათვის ირიბი წამახალისებელი გარემოებების შექმნით და `ვერტიკალური მიდგომის~ გამოყენებით, როგორიც არის ტურისტულ ინფრასტრუქტურაში ინვესტირება.
მთავრობის მიზანია, 2015 წლისთვის ტურისტების რაოდენობა 5 მილიონს გადააჭარბოს და ქვეყანა გახადოს ზამთრის ტურიზმის ერთ-ერთი ცენტრი. მთავრობის ათ პუნქტიანი სამოქმედო გეგმის თანახმად, გაიზრდება ყოველწლიური ტურისტული სარეკლამო კამპანიები იმ ქვეყნებში, საიდანაც ტურისტების მოზიდვის პოტენციალი მაღალია, კერძოდ - ბელორუსი, უკრაინა, პოლონეთი, ისრაელი, ბალტიისპირეთის ქვეყნები. პრიორიტეტულია დაბალბიუჯეტიანი ავიახაზების ოპერატორების მოზიდვა, პირდაპირი ფრენების სამი ძირითადი მიმართულებით დივერსიფიკაცია (დასავლეთ ევროპა, ახლო აღმოსავლეთი და აზია).