მთავრობის გათვლებით, უახლოეს 4 წელიწადში მშპ ორნიშნა რიცხვს მიაღწევს. როგორც მთავრობის "10 პუნქტიან გეგმაში აღნიშნულია, რომ სწორედ მაღალი ეკონომიკური ზრდა გამოიწვევს მრავალი ინვესტორის დაინტერესებას საქართველოთი, მეტი ინვესტიციის მოზიდვას და ახალი სამუშაო ადგილების შექმნას.
"მშპ-ის ასეთი ზრდის შედეგად 2015 წლისთვის საქართველო გახდება მსოფლიო ბანკის კლასიფიკაციით "მაღალი საშუალოშემოსავლიანი ქვეყანა", მმშპ ერთ სულზე გაიზრდება 60-90%-ით 2011 წელთან შედარებით
და მიაღწევს 5,000-6,000 აშშ დოლარს შორის ნიშნულს, რაც 3-4-ჯერ მეტი იქნება 2005 წლის შესაბამის მონაცემთან შედარებით"- ნათქვამია მთვრობის სამოქმედო გეგმაში.
გეგმის მიხედვით, მთლიანი ნი შიდა პროდუქტი ერთ სულ მოსახლეზე მსყიდველობითი უნარის მიხედვით (PPP) თითქმის გაორმაგდება 2015 წელს 2005 წელთან შედარებით. თუმცა მსოფლიო ეკონომიკური კრიზისის გაღრმავების შემთხვევაში შემუშავებულია სათადარიგო სცენარი, რომლის მხიედვითაც, ქვეყნის ეკონომიკა 2012-2014 წლებში 0-3%-ით იზრდება. ეს იმ შემთხვევაში, თუ ჩვენი რეგიონის ქვეყნების ეკონომიკური ზრდა მცირდება იმავე პერიოდის განმავლობაში.
