დღეს, 30 ოქტომბერს, 13:00 საათზე, გუდამაყარში პოეტების, მწერლებისა და მუსიკალური ანსამბლების მონაწილეობით გოდერძი ჩოხელის ხსოვნის დღე მოეწყობა.
29 ოქტომბერს დუშეთის კულტურის სახლში წარმოდგენილი იქნა დუშეთის სახალხო თეატრის სპექტაკლი გოდერძი ჩოხელის ნაწარმოებების მიხედვით.
სპექტაკლი კონფერენციის - "გოდერძი ჩოხელი - შემოქმედება საზღვრების გარეშე" - ფარგლებში ჩატარდა.
შეგახსენებთ, რომ 28 ოქტომბერს, თბილისში გაიხსნა ქართველი მწერლის, გოდერძი ჩოხელის შემოქმედებისადმი მიძღვნილი პირველი საერთაშორისო სამეცნიერო კონფერენცია - "გოდერძი ჩოხელი - შემოქმედება საზღვრების გარეშე".
ღონისძიება საპატრიარქოს წმიდა ანდრია პირველწოდებულის სახელობის ქართული უნივერსიტეტის, გრიგოლ რობაქიძის უნივერსიტეტისა და ნიუ-იორკში ქართული კულტურის ცენტრის - საერთაშორისო ინკორპორაცია "ამირანის" ორგანიზებით და თბილისის მერიის კულტურის სამსახურის, მცხეთა-მთიანეთის გუბერნიის ადმინისტრაციისა და დუშეთის მუნიციპალიტეტის გამგეობის მხარდაჭერით გაიმართა.
