თბილისის მერიის მიერ, გუშინ, 28 ოქტომბერს, კომპანია "ქართუს" საპასუხოდ გავრცელებულ განცხადებას სხვადასხვა სოციალურ ქსელში დიდი გამოხმაურება მოჰყვა, რაზეც თბილისის მერია კიდევ ერთ განცხადებას ავრცელებს:
"თბილისის მერიისთვის მნიშვნელოვანია, რომ ქალაქის მასშტაბით და განსაკუთრებით ძველ თბილისში დაწყებული ნებისმიერი მშენებლობა დათქმულ ვადებში დასრულდეს, რათა ხელი არ შეეშალოს კერძო კომპანიების მუშაობას, რაც ეკონომიკის სტიმულირებისა და სამუშაო ადგილების შექმნისთვის მთავარი პირობაა.
საკითხის აქტუალურობიდან გამომდინარე მიზანშეწონილად მიგვაჩნია განვმარტოთ, რომ კომპანია"ახალ კაპიტალს" და შესაბამისად სხვა კონტრაქტორ კომპანიებს ვისაც აღნიშნული ობიექტის დასრულების სამართლებრივი ინტერესი გააჩნიათ მშენებლობაზე არსებული ხარვეზების მიუხედავად უფლება აქვთ გააგრძელონ და არ შეაფერხონ ისეთი ტიპის შიდა სარემონტო სამუშაოები, რომელთა წარმოება ერთის მხრივ არ ეწინააღმდებება ობიექტზე არსებული დარღვევების გამოსწორებას და მეორეს მხრივ ხელს შეუწყობს ბიზნეს ობიექტზე სამუშაოების დროულად დასრულებას, რათა ობიექტი მომზადდეს ექსპლუატაციაში მისაღებად".
განცხადებაში აღნიშნულია, რომ კომპანიას უკვე გადაეცა იმ ხარვეზების ნუსხა, რომელიც პარალელურ რეჟიმში უნდა გამოასწორონ.
"ბიზნეს ობიექტში სამუშაოების დროულად დასრულება ხელს შეუწყობს ისეთი მსხვილი ბიზნეს კომპანიების ოპერირებას ქართულ ბაზარზე, როგორიცაა: ერნსთ ენდ იანგი, კომერც ბანკი, დევეილე ბანკი, აზის განვითრების ბანკი, ფაშა ბანკი და სხვები
თბილისის მერია მზადაა ითანამშრომლოს ნებისმიერ იმ კერძო კომპანიასთან, რომელიც კანონის ფარგლებში მოქმედებს და საკუთარი წვლილი შექვს ეკონომიკის განვითარებასა და თბილისელების დასაქმებაში", - ნათქვამია განცხადებაში.
