საქართველოს მთავრობის სოციალურ-ეკონომიკური პოლიტიკის მიზანია,
შექმნას წინაპირობები წარმატებული, მდიდარი და ერთიანი საქართველოსათვის, სადაც ყველა მოქალაქე უზრუნველყოფილი იქნება ღირსეული საცხოვრებელი გარემოთი და ექნება საშუალება, გახდეს მსოფლიო საზოგადოებრიობის წარმატებული და მდიდარი წევრი.

ამ მიზნების მიღწევას საქართველოს მთავრობა სამუშაო ადგილების შექმნით და უმუშევრობის შემცირებით გეგმავს, ხოლო შრომისუუნაროთათვის (შეზრუდული შესაძლებლობის პირები, პენსიონერები) სოციალური დახმარების სისტემის გაუმჯობესებით. შესაბამისად, ამ „ათპუნქტიანი გეგმის" აბსოლუტურად ყველა პუნქტი სწორედ ამ ორ მიზანს ისახავს, კერძოდ, როგორ შევქმნათ უფრო მეტი და მაღალანაზღაურებადი სამუშაო ადგილი და როგორ გავაუმჯობესოთ ჩვენი მოქალაქეების სოციალური მდგომარეობა (მათ შორის, ჯანდაცვისა და სოციალური დახმარების სისტემების გაუმჯობესების გზით).

ეს ათი პუნქტია:

1. მაკროეკონომიკური სტაბილურობა.
2. მიმდინარე ანგარიშის ბალანსის გაუმჯობესება.
3. საუკეთესო საინვესტიციო და ბიზნესგარემოს შექმნა/შენარჩუნება.
4. რეგიონულ სავაჭრო და ლოგისტიკურ ცენტრად ჩამოყალიბება.
5. ინფრასტრუქტურის გაუმჯობესება.
6. სოფლის მეურნეობის განვითარება.
7. განათლების სისტემის გაუმჯობესება.
8. სოციალური პოლიტიკის დახვეწა.
9. ხელმისაწვდომი, მაღალხარისხიანი ჯანდაცვის სისტემის ჩამოყალიბება.
10. ურბანული და რეგიონული განვითარება.

1. მაკროეკონომიკური სტაბილურობა - სწრაფი ზრდა, ფისკალური
მდგრადობა, ვალის მცირე წნეხი, მცირე და კონტროლირებადი
საბიუჯეტო დეფიციტი, დაბალი ინფლაცია, მთავრობის მცირე ზომა,
ფინანსური სისტემის მდგრადობა, ჯანსაღი საბანკო სექტორი,
მდგრადობა შოკების მიმართ.

გლობალური ეკონომიკის არასახარბიელო მდგომარეობის ფონზე უმნიშვნელოვანესია ჯანსაღი მაკროეკონომიკური გარემოსა და პარამეტრების შენარჩუნება-გაუმჯობესება. ბევრ ევროპულ ქვეყანაში სწორედ მაკროპარამეტრების პრობლემურობის გამო წარმოიშვა კრიზისი. ზოგიერთ მათგანში ამის მიზეზი იყო მაღალი საბიუჯეტო დეფიციტი ან მაღალი ვალის მაჩვენებელი, ან კიდევ დაბალი ეკონომიკური ზრდა. შედეგად - შეჩერდა ინვესტიციები, გაკოტრდნენ კომპანიები, სახელმწიფოებს მოუწიათ ხარჯების (მათ შორის, ხელფასებისა და პენსიების) შემცირება, რამაც, საბოლოო ჯამში, სამუშაო ადგილების დაკარგვა და უმუშევრობის გაზრდა გამოიწვია.

ამ ფონზე განსაკუთრებულ მნიშვნელობას იძენს ჩვენი ეკონომიკის პოზიტიური მაკროეკონომიკური პარამეტრების შენარჩუნება და გაუმჯობესება. სწორედ ეს გამოიწვევს დღეს მსოფლიოში არსებული კაპიტალის (რომელიც არსებული პრობლემების გამო ახალ ბაზრებს ეძებს) მოზიდვას, არსებული საწარმოების გაფართოებას, ახალი ინვესტიციების განხორციელებას და, რაც მთავარია, ახალი სამუშაო ადგილების შექმნას. თუმცა, მეორე მხრივ, არ უნდა დაგვავიწყდეს, რომ საქართველოს ეკონომიკა სრულად არის ინტეგრირებული მსოფლიო ეკონომიკაში, რაც ნიშნავს იმას, რომ მსოფლიო ეკონომიკური კრიზისი საქართველოზეც აისახება - მსოფლიოს შემცირებული ეკონომიკური ზრდა გამოიწვევს შემცირებულ მოთხოვნას ყველა პროდუქტზე (მათ შორის, საქართველოს საექსპორტო პროდუქტებზე). ეს კი გამოიწვევს ინვესტორთა უფრო მეტ სიფრთხილეს და პირდაპირი ინვესტიციების შემცირებას, კაპიტალის
გადინებას განვითარებადი ქვეყნებიდან. სწორედ ამიტომ საქართველოს ეკონომიკა მზად უნდა იყოს მოვლენების ასეთი განვითარებისათვის და უფრო მეტი ყურადღება უნდა გამახვილდეს ჯანსაღი მაკროეკონომიკური პარამეტრების შენარჩუნებისა და გაუმჯობესებისათვის.

მთლიანი შიდა პროდუქტი

უახლოეს წლებში საქართველოს მთავრობის მიზანია, მშპ-ის მინიმალური ზრდა იყოს მსოფლიო ეკონომიკის საშუალო ზრდაზე მაღალი, ხოლო ოპტიმისტური სცენარით 4-წლიან პერიოდში მიაღწიოს ორნიშნა რიცხვს. სწორედ მაღალი ეკონომიკური ზრდა გამოიწვევს მრავალი ინვესტორის დაინტერესებას საქართველოთი, მეტი ინვესტიციის მოზიდვას და ახალი სამუშაო ადგილების შექმნას. მაკროეკონომიკური სტაბილურობა

•მშპ-ის ასეთი ზრდის შედეგად 2015 წლისთვის საქართველო გახდება მსოფლიო ბანკის კლასიფიკაციით `მაღალი საშუალოშემოსავლიანი ქვეყანა~, მშპ ერთ სულზე გაიზრდება 60-90%-ით 2011 წელთან შედარებით
და მიაღწევს 5,000-6,000 აშშ დოლარს შორის ნიშნულს, რაც 3-4-ჯერ მეტი იქნება 2005 წლის შესაბამის მონაცემთან შედარებით.

•საქართველოს მთლიანი შიდა პროდუქტი ერთ სულ მოსახლეზე მსყიდველობითი უნარის მიხედვით (PPP) თითქმის გაორმაგდება 2015 წელს 2005 წელთან შედარებით.

•თუმცა მსოფლიო ეკონომიკური კრიზისის გაღრმავების შემთხვევაში შემუშავებულია სათადარიგო სცენარი, რომლის მხიედვითაც, ქვეყნის ეკონომიკა 2012-2014 წლებში 0-3%-ით იზრდება. ეს იმ შემთხვევაში, თუ
ჩვენი რეგიონის ქვეყნების ეკონომიკური ზრდა მცირდება იმავე პერიოდის განმავლობაში.

სახელმწიფო ვალი

•საქართველოს მთავრობის ამოცანაა, საგარეო სახელმწიფო ვალის პორტფელმა შეინარჩუნოს ხელსაყრელი ფინანსური პარამეტრები, რომლებიც უზრუნველყოფენ მის მდგრადობას როგორც მოკლევადიან,
ასევე საშუალო- და გრძელვადიან პერსპექტივაში.

•სახელმწიფო საგარეო ვალის კონსერვატიული და პრაგმატული მართვა საწინდარია ქვეყნის დაცულობისა და ფისკალური მდგრადობის, სხვადასხვა ტიპის გლობალური/ეგზოგენური რისკებისა და გამოწვევების
არსებობის პირობებში. სახელმწიფო საგარეო ვალის დონემ არ უნდა შეუქმნას საფრთხეები ეკონომიკურ და სოციალურ სტაბილურობას; აქედან გამომდინარე _ არც სამუშაო ადგილებსა და მათი შექმნის პერსპექტივას.

 •საქართველოს მთავრობის მიერ ინიცირებული ეკონომიკური თავისუფლების აქტის მიხედვით, სახელმწიფო ვალი ლიმიტირებულია და მისი დონე უნდა შეადგენდეს არა უმეტეს მშპ-ის 60%-ს. ამასთან, ფისკალური და ზოგადად მაკროეკონომიკური პოლიტიკის ერთ-ერთი
სახელმძღვანელო პრინციპი და საშუალოვადიანი ამოცანა იქნება სახელმწიფო საგარეო ვალის თანმიმდევრული შემცირება მშპ-ის 25%-მდე. აღნიშნულთან დაკავშირებით, მნიშვნელოვანია საბიუჯეტო
შემოსავლებთან და ექსპორტთან მიმართებაში სახელმწიფო და მთავრობის ვალის ყოველწლიური მომსახურების ოპტიმალური დონის შენარჩუნება.

•2015 წლისთვის მთავარი ამოცანაა, სახელმწიფო საგარეო ვალის მომსახურების პროცენტი სახელმწიფო ბიუჯეტთან მიმართებაში არ სცდებოდეს 9%-ს, ხოლო მშპ-სთან მიმართებაში _ 3%-ს.

•შესაბამისად, მსოფლიო კრიზისის გაღრმავების შემთხვევაში ქვეყანას ექნება რეზერვი, ეგრეთ წოდებული _ `ფინანსური ბალიში~, რაც დღეს ბევრ განვითარებულ თუ განვითარებად ქვეყანას არ გააჩნია, ვალი
გაზარდოს მშპ-ის 20-30%-ით, მშპ-ის 60%-იან ზღვრამდე და ამით შეინარჩუნოს ეკონომიკური აქტივობა და დასაქმების დონე.

ბიუჯეტის დეფიციტი

•გრძელვადიანი ეკონომიკური სტაბილურობისათვის სახელმწიფოს მიერ ვალდებულებების სათანადო დონეზე შესრულებისა და ინვესტორთა ნდობის შესანარჩუნებლად აუცილებელია ბიუჯეტის დეფიციტი
შენარჩუნდეს რაც შეიძლება დაბალ დონეზე. საქართველოს მთავრობის მიზანია მაქსიმალურად დაბალანსებული ბიუჯეტის უზრუნველყოფა, რაც, ერთი მხრივ, საჭიროების შემთხვევაში ახდენს ეკონომიკურ სტიმულირებას და მეორე მხრივ, გლობალური ეკონომიკური გამოწვევების გათვალისწინებით, ქვეყნის ფისკალური და მაკროეკონომიკური სტაბილურობის უმნიშვნელოვანესი საწინდარი და სამუშაო ადგილების შექმნის მამოძრავებელია.

•ეკონომიკური თავისუფლების აქტის თანახმად, 2014 წლიდან ბიუჯეტის დეფიციტი უნდა შეადგენდეს არა უმეტეს მშპ-ის 3%-ს.

ბიუჯეტის თანაფარდობა მშპ-სთან

•საქართველოს მთავრობის ამოცანაა, ბიუჯეტის ხარჯებისა და
არაფინანსური აქტივების წილი მშპ-სთან იყოს `მცირე მთავრობის~
ფარგლებში, რათა საგადასახადო წნეხმა და მთავრობის აქტივობამ არ
შეზღუდოს სივრცე სამეწარმეო აქტივობისათვის, კერძო ინიციატივებისა
და ინვესტიციებისათვის.

•ეკონომიკური თავისუფლების აქტის მიხედვით, ბიუჯეტის ხარჯებისა და
არაფინანსური აქტივების ზრდის მთლიანი მოცულობის წილი არ უნდა
აღემატებოდეს მშპ-ის 30%-ს 2014 წლიდან.

•ბიუჯეტის ხარჯების მოცულობის ზრდა უნდა უზრუნველყოს
ეკონომიკურმა ზრდამ.

ინფლაცია

•საქართველოს მთავრობისა და საქართველოს ეროვნული ბანკის ამოცანაა,
ინფლაცია გრძელვადიანად შეინარჩუნოს ერთნიშნა მაჩვენებელზე.

•ეროვნული ბანკის მონაცემებით, 2011 წლის მესამე და მეოთხე კვარტალებში ინფლაცია ერთნიშნა მაჩვენებელს უკვე დაუბრუნდა.

•2010 წლის ბოლოს და 2011 წლის დასაწყისში მაღალი ინფლაციის დონე საერთაშორისო ბაზრებზე სასურსათო პროდუქტებზე ფასების ზრდით იყო გამოწვეული. საქართველოს ეროვნულმა ბანკმა და საქართველოს
მთავრობამ გაატარეს ანტიინფლაციური ზომები, რათა მაქსიმალურად შეემცირებინათ საბაზო ინფლაცია, რაც მიღწეულ იქნა: კონსერვატიული ფისკალური პოლიტიკით; კონსერვატიული მონეტარული პოლიტიკით.

•საქართველოს მთავრობამ ასევე მიიღო დროებითი ზომები, რათა ინფლაციის მაჩვენებლის შემცირებამდე შეემსუბუქებინა მოსახლეობისთვის ფასების ზრდის წნეხი. ამ მიზნით დარიგდა დენისა და სურსათის ვაუჩერები. საქართველოს მთავრობამ ასევე მოიძია ახალი მომწოდებელი ქვეყნები სხვადასხვა პროდუქციის შემოტანის
დივერსიფიკაციისთვის და განახორციელა დამატებითი პროექტები სოფლის მეურნეობაში.

გაცვლითი კურსი

•საქართველოს ეროვნულმა ბანკმა ორ ამოცანას შორის (გაცვლითი კურსის სტაბილურობა და ინფლაცია) განსაკუთრებული ყურადღება უნდა გაამახვილოს ინფლაციაზე.

•უმთავრესი ამოცანაა რეალური გაცვლითი კურსის მონიტორინგი, რათა ამ კურსმა ნეგატიურად არ იმოქმედოს საქართველოს ეკონომიკის კონკურენტუნარიანობაზე.

ფინანსური სტაბილურობა

•საქართველოს ხელისუფლების ამოცანაა ფინანსური სისტემის მდგრადობა და გარე შოკებზე დამოკიდებულების შემცირება.

•ხელი უნდა შეეწყოს საქართველოს მთავრობის ფასიანი ქაღალდების
ლიკვიდური ბაზრის ჩამოყალიბებას, საქართველოს მთავრობის ჯამური ფინანსური ვალდებულებების გონივრული მართვისა და თანმიმდევრული შემცირების ფონზე.

•ფასიანი ქაღალდების ბაზრის განვითარების სტაბილურ ეტაპზე გადასვლისკენ მიუთითებს 2011 წელს ფასიანი ქაღალდების ვადიანობის მარჟების შემცირების ტენდენცია, რაც ძირითადად გამოწვეულია ფასიანი ქაღალდების ლიკვიდურობისა და მათზე მოთხოვნის ზრდით.

ფინანსური სექტორი

•ფინანსური სექტორის განვითარება მაკროეკონომიკური სტაბილურობისა და, შესაბამისად, ინვესტორების ნდობის ზრდის ფონზე უზრუნველყოფს საბანკო საპროცენტო განაკვეთების შემცირებას, სესხების ხანგრძლივობისა და ბანკების მიერ სექტორული/რეგიონული კონცენტრაციის შემცირებას. რაც, თავის მხრივ, გამოიწვევს მცირე და საშუალო ბიზნესის დაფინანსების გაზრდას, ეკონომიკურ გააქტიურებას და, შესაბამისად, დამატებითი სამუშაო ადგილების შექმნას.

•საპროცენტო განაკვეთების შემცირება შესაძლებელია ქვეყნის პოზიტიური მაკროპარამეტრებისა და საბანკო სექტორის დადებითი მაჩვენებლების გრძელვადიანი შენარჩუნებით. პირველი მათგანი გამოიწვევს ქვეყნისადმი ნდობის გაზრდას ინვესტორთა მხრიდან და, შესაბამისად, ქართულ საბანკო სექტორს იაფი საკრედიტო რესურსის მოზიდვის საშუალებას
მისცემს. მეორე კი გამოიწვევს დეპოზიტების მოცულობის ზრდას, რაც, საბოლოო ჯამში, დაბალ საპროცენტო განაკვეთებზე აისახება.

•მთავარი მიზანია - 2005 წელთან შედარებით 2015 წელს დაახლოებით 9-ჯერ გაიზარდოს როგორც საბანკო აქტივები, ასევე დეპოზიტები და სასესხო პორტფელის მოცულობა. ეს კი გაზრდის საინვესტიციო
რესურსებს და, შესაბამისად, პოზიტიურად აისახება სამუშაო ადგილების შექმნის დინამიკაზე.

საერთაშორისო რეზერვები

•საქართველოს მთავრობისა და საქართველოს ეროვნული ბანკის ამოცანაა, ქვეყანას ჰქონდეს საკმარისი საერთაშორისო რეზერვები შესაძლო საგარეო შოკების შერბილებისა და საგარეო ვალდებულებების მომსახურების მიზნით.

•რეზერვების მართვის ძირითადი პრინციპებია:

ა) ლიკვიდურობა;
ბ) უსაფრთხოება;
გ) შემოსავლიანობა.

•2012-2015 წლებში, ვალების მომსახურების გათვალისწინებით, საქართველოს ექნება ადეკვატური საერთაშორისო რეზერვი. 2015 წელს 2010 წელთან შედარებით საერთაშორისო წმინდა რეზერვების მოცულობა გაიზრდება 107%-ით.

2. მიმდინარე ანგარიშის ბალანსის გაუმჯობესება - საწარმოო
პოტენციალის და ღია ეკონომიკის განვითარება - ექსპორტის და
ტურიზმის ზრდით მიმდინარე ანგარიშის ბალანსი

•საქართველოს მთავრობის ამოცანაა, გრძელვადიან პერსპექტივაში მიაღწიოს ეკონომიკის განვითარების ისეთ სტრუქტურას, როდესაც 2015 წლისათვის 2011 წელთან შედარებით მიღწეულ იქნება სავაჭრო ბალანსის
დეფიციტის განახევრება მშპ-სთან მიმართებაში, პროცენტულ გამოხატულებაში.

•სავაჭრო ბალანსის დეფიციტის შემცირება მიიღწევა საქონლის ექსპორტის ზრდით, რაც შედეგი უნდა იყოს წარმოებისა და, შესაბამისად, პროდუქტიული დასაქმების ზრდისა.

•არსებითია ასევე მომსახურების ექსპორტის ზრდა, რაც, პირველ რიგში, უნდა გამომდინარეობდეს ტურიზმის სფეროს განვითარებიდან და, შესაბამისად, ამ სფეროში დასაქმების ზრდიდან.

•ამ ამოცანის მისაღწევად, მაკროეკონომიკურ სტაბილურობასთან ერთად, საჭიროა სამეწარმეო და საგადასახადო გარემოს მიმზიდველობის შენარჩუნება და გაუმჯობესება, საქართველოს, როგორც `ბიზნესპლატფორმის~
როლის გაზრდა, ჯამური ინვესტიციების გაზრდა და ღია სავაჭრო რეჟიმების განვითარება (იხ. შესაბამისი თავები).

•საქონლის, მომსახურების და ტურიზმის ექსპორტი 2010 წელთან მიმართებაში 2015 წლისათვის 2-ჯერ უნდა გაიზარდოს, საშუალოდ _ 15- 20%-ით წელიწადში.

•არსებითი იქნება თავისუფალი და პრეფერენციული სავაჭრო რეჟიმების გამოყენების გაუმჯობესება, განსაკუთრებით მთავარ სავაჭრო პარტნიორებთან. ამ თვალსაზრისით, მნიშვნელოვანი იქნება თავისუფალი
ვაჭრობის ხელშეკრულების გაფორმება ევროკავშირთან და თურქეთთან არსებული თავისუფალი ვაჭრობის ხელშეკრულების პირობების რეალიზება.

ტურიზმი

•ტურიზმის განვითარება უნდა განხორციელდეს ორი მიდგომის კონბინირებით: `ჰორიზონტული პოლიტიკით~, რაც მიმართულია ტურიზმისათვის ირიბი წამახალისებელი გარემოებების შექმნით, და `ვერტიკალური მიდგომის~ გამოყენებით, როგორიც არის ტურისტულ ინფრასტრუქტურაში ინვესტირება.

•საქართველოს მთავრობის მიზანია, 2015 წლისთვის ტურისტების რაოდენობა 5 მილიონს გადააჭარბოს და ქვეყანა გახადოს ზამთრის ტურიზმის ერთ-ერთი ცენტრი.

•გაიზრდება ყოველწლიური ტურისტული სარეკლამო კამპანიები იმ ქვეყნებში, საიდანაც ტურისტების მოზიდვის პოტენციალი მაღალია, კერძოდ - ბელორუსი, უკრაინა, პოლონეთი, ისრაელი, ბალტიისპირეთის
ქვეყნები.

•პრიორიტეტულია დაბალბიუჯეტიანი ავიახაზების ოპერატორების მოზიდვა, პირდაპირი ფრენების სამი ძირითადი მიმართულებით დივერსიფიკაცია (დასავლეთ ევროპა, ახლო აღმოსავლეთი და აზია).

საპარტნიორო ფონდი

•საქართველოს მთავრობამ შექმნა საპარტნიორო ფონდი. ფონდის აქტივები გამოყენებული იქნება მსხვილი საინვესტიციო პროექტების განსახორციელებლად, რომლებიც უპირატესად საქართველოს საექსპორტო
პოტენციალს და დასაქმებას გაზრდიან ისეთი პროექტებით, რომელთაც კერძო სექტორი სახელმწიფოს თანამონაწილეობის გარეშე ვერ ძლევს სასტარტო გარემოებებიდან და რისკებიდან გამომდინარე.

•პროექტების განხორციელების მექანიზმი ითვალისწინებს ფონდის მხრიდან წილობრივ მონაწილეობას ან ინვესტორთან შესყიდვის ხელშეკრულების გაფორმებას ენერგეტიკის სფეროში წარმოებულ პროდუქციაზე. საკრედიტო რესურსი მოზიდული იქნება საერთაშორისო საფინანსო ინსტიტუტებიდან. ძირითადი პროექტები განხორციელდება ისეთ დასაქმებადტევად სფეროებში, როგორებიცაა ენერგეტიკის, სოფლის მეურნეობისა და ტურიზმის სფეროები.

•საპარტნიორო ფონდის დაფინანსების წყარო ასევე შეიძლება გახდეს სახელმწიფო საწარმოების აქციების საერთაშორისო ბირჟებზე განთავსების შედეგად მიღებული თანხები.

3. საუკეთესო საინვესტიციო და ბიზნეს გარემოს შექმნა/შენარჩუნება - არაკორუფციული გარემო, საუკეთესო პირობები მეწარმეობისათვის, კომფორტული საგადასახადო გარემო დაბალი გადასახადებით.

•საქართველოს მთავრობის ამოცანაა, შეინარჩუნოს არაკორუფციული გარემო, რაც ზრდის საქართველოს კონკურენტულ უპირატესობას და შესაძლებლობას Aაძლევს მეწარმეებს, შექმნან მეტი პროდუქცია და დასაქმების ადგილები, ხოლო მოსახლეობას _ მიიღონ უკეთესი მომსახურება და უკეთესი პირობები განვითარებისათვის.

•საქართველოს მთავრობის ამოცანაა, საქართველომ შეინარჩუნოს მსოფლიოში ერთ-ერთი არაკორუმპირებული ქვეყნის სტატუსი.

სამეწარმეო გარემო

•საქართველოს სხვა კონკურენტული სისუსტეები (ბაზრის ზომა, გეოპოლიტიკური გამოწვევები) უნდა დაბალანსდეს საუკეთესო ბიზნესკლიმატით, რაც ხელს შეუწყობს ინვესტიციების გაზრდას და სამუშაო ადგილების შექმნას.

•დასაქმების ხელშესაწყობად შრომის ბაზარი და რეგულაციები მაქსიმალურად მოქნილი უნდა იყოს შრომის ბაზარზე მობილურობისა და მაღალი დასაქმებისათვის - მაგალითად სპეციალური რეგულაციების
შემოტანის გზით 45 დან 60 წლამდე მოსახლეობის დასაქმების შემთხვევაში.

•სამეწარმეო გარემოს განვითარების ერთ-ერთ საკვანძო ასპექტს წარმოადგენს საგადასახადო სისტემის და ადმინისტრირების გამარტივება - `ახალი კურსი~, რომლის პრინციპები ასახულია ახალ საგადასახადო
კოდექსში.

პირდაპირი უცხოური ინვესტიციები

•პირდაპირი უცხოური ინვესტიციები წარმოადგენენ არსებითი სამუშაო ადგილების იმპორტს საქართველოში, ამიტომ მთავრობის ამოცანაა, პირდაპირი უცხოური ინვესტიციები შეადგენდეს მთლიანი შიდა პროდუქტის მინიმუმ 6%-ს, 2-ჯერ უფრო მეტს, ვიდრე ბოლო სამი წლის საშუალო მსოფლიო საზღვრებს მიღმა ინვესტიციების მსოფლიო მშპ-სთან შეფარდება (დაახ. 3%).

4. რეგიონულ სავაჭრო და ლოგისტიკურ ცენტრად ჩამოყალიბება - ღია ეკონომიკა, გამართული ლოგისტიკური ინფრასტრუქტურა

იმისათვის, რომ გაჩნდეს მეტი სამუშაო ადგილი, საქართველოს მთავრობამ უნდა იზრუნოს ქვეყანაში საწარმოებსა და სერვისების შექმნისათვის, არა მარტო იმ კომპანიების მიერ, რომლებიც უშუალოდ საქართველოს ეკონომიკით არიან დაინტერესებული, არამედ მათი მეშვეობითაც, რომელთა ინტერესების სფეროა
ჩვენი რეგიონი და მის მიღმა არსებული ეკონომიკებიც.

•საქართველოს მთავრობის ამოცანაა, ქვეყანა წარმოადგენდეს `დერეფანს~ ტრანზიტისათვის, ასევე `პლატფორმას~ ბიზნესის განვითარებისათვის - საქართველოდან მეზობელ ქვეყნებსა და ფართო რეგიონში.

•ღია ეკონომიკა, გამართული და განვითარებული ინფრასტრუქტურა, სამაგალითო ადმინისტრაციული მომსახურება და ისეთი ინსტრუმენტები, როგორებიცაა თავისუფალი ინდუსტრიული ზონა და სასაწყობო საწარმოების ლიბერალური რეგულირება, უნდა გახდეს საქართველოს `ბიზნესპლატფორმად~ ჩამოყალიბების ერთ-ერთი საფუძველი.

•ამ ამოცანის შესასრულებლად საქართველოზე გამავალმა სატრანსპორტო დერეფანმა უნდა შეინარჩუნოს და გაზარდოს მიმზიდველობა, რის მისაღწევადაც მნიშვნელოვანი იქნება თანამშრომლობა რეგიონის სხვა
ქვეყნებთან.

•საქართველომ, როგორც რეგიონულმა `ბიზნესპლატფორმამ~, უნდა ისარგებლოს რამდენიმე არსებული ტენდენციით და იმ კომპანიებსა და ინდუსტრიებს შესთავაზოს უკეთესი გარემო, რომლებიც ეძებენ უკეთეს და
უფრო მოსახერხებელ ადგილს საწარმოების განსათავსებლად, გაზრდილი
სამეწარმეო ხარჯების გამო აღმოსავლეთ ევროპასა და თურქეთში, და რაც ეფუძნება ჩინეთისა და ინდოეთის მზარდი ეკონომიკების ინტერესებს ევროპულ ბაზრებზე.

•მიმდინარეობს წინა მოლაპარაკებები ევროკავშირთან თავისუფალი ვაჭრობის ხელშეკრულების გაფორმებასთან დაკავშირებით.

•საქართველოს აქვს თავისუფალი ვაჭრობის ხელშეკრულება თურქეთთან და ყოფილ საბჭოთა ქვეყნებთან, GSP აშშ-სთან, GSP+ ევროკავშირთან და პრეფერენციული სავაჭრო რეჟიმები სხვა ქვეყნებთან.
`ბიზნესპლატფორმის~ შექმნის პროექტის ფარგლებში მსოფლიო ბრენდების მოსაზიდად და/ან განსაკუთრებულად დიდი რაოდენობის სამუშაო ადგილების შექმნის პერსპექტივით საქართველოს მთავრობა ქვეყანაში წარმოების განვითარების მიზნით, განსაკუთრებული პროექტებისთვის ინვესტორებს შესთავაზებს რამდენიმე წამახალისებელ პირობას:

1. ბიზნესის კეთებისათვის ხელსაყრელ გარემოს;
2. ინვესტორს საწარმოს ასაშენებლად მიწის ნაკვეთი საკუთრებაში
3. გადაეცემა სიმბოლურ ფასად;
4. გამოყოფილი იქნება სახელმწიფო საკუთრებაში არსებული საპრივატიზაციო შენობები, რომლებიც შესაძლებელია შეღავათიან ფასებში გადაეცეს ინვესტორებს;
5. საქართველოს მთავრობა უზრუნველყოფს საწარმომდე შესაბამისი ინფრასტრუქტურის (გაზი, წყალი, ელექტროენერგია) მოწესრიგებასა და საწარმომდე მისასვლელი გზების მშენებლობას/შეკეთებას;
6. საქართველოს მთავრობა, სხვა დონორ ორგანიზაციებთან ერთად, დაეხმარება უცხოურ კომპანიებს მუშახელის მოზიდვასა და ტრენინგების დაფინანსებაში.

თავისუფალი ინდუსტრიული ზონები

•საქართველოში `ბიზნესპლატფორმის~, ინვესტორთა მოზიდვისა და დამატებითი სამუშაო ადგილების შექმნის მიზნით შეიქმნა თავისუფალი ინდუსტრიული ზონები.

•საქართველოს მთავრობამ გაათავისუფლა ზონის ტერიტორიაზე მიღებული მოგება მოგების გადასახადისაგან, ზონის ტერიტორიაზე შექმნილი დამატებული ღირებულება _ დღგ-ისაგან და ზონის ტერიტორიაზე არსებული ქონება _ ქონების გადასახადისაგან და ეს ყოველივე კი იმის სანაცვლოდ, რომ ზონის ტერიტორიაზე და ტერიტორიის გარშემო, განვითარდეს ინფრასტრუქტურა (სასტუმრო, სამედიცინო, სარეკლამო, საექსპედიტორო, ექსპერტიზის და სხვა მრავალი მომსახურება) და შედეგად შეიქმნას სამუშაო ადგილები.

რეგიონული საბითუმო და საცალო სავაჭრო ცენტრები

•`ბიზნესპლატფორმის~ ერთ-ერთი მნიშვნელოვანი ელემენტი უნდა გახდეს საქართველოში რეგიონული მნიშვნელობის საბითუმო და საცალო სავაჭრო ცენტრების შექმნა. ასეთი ცენტრები უნდა შეიქმნას, როგორც არსებული ცენტრების რესტრუქტურიზაციის, ასევე ახალი ცენტრების შექმნის გზით.

•ასეთ ზონებში საგადასახადო ადმინისტრირებისა და ვაჭრობის გაიოლების მიზნით შეიქმნება სპეციალური, საგადასახადო თვალსაზრისით, გამჭვირვალე სავაჭრო ზონები.

5. ინფრასტრუქტურის გაუმჯობესება - მულტიმოდალური
სატრანსპორტო და ენერგეტიკული `კვანძი~ ფართო რეგიონისათვის
საგზაო ინფრასტრუქტურა

•იქმნება განვითარებული, ხარისხიანი და უსაფრთხო საგზაო ინფრასტრუქტურა ქვეყნის შიდა ტვირთბრუნვის, იმპორტ-ექპორტისა და ტრანზიტის განვითარებისათვის, უკეთესი მიღწევადობისათვის საკურორტო ადგილებამდე და რეგიონებამდე, რაც, საბოლოო ჯამში, გამოიწვევს უფრო მეტი სამუშაო ადგილი