Coca-Cola ქილების ფერის შეცვლას გეგმავს. ახალი დიზაინით Coca-Cola-ს შეძენა 2011 წლის ნოემბრიდან 2012 წლის თებერვლამდე იქნება შესაძლებელი.
კომპანიის გადაწყვეტილება უკავშირდება ველური ბუნების მსოფლიო ფონდთან თანამშრომლობას, რათა ყურადღება მიაპყროს არქტიკაში თეთრი დათვების გადარჩენის თემის პოპულარიზაციას.
უნდა აღინიშნოს, რომ ქილის გაფორება 1922 წლიდან პირველად იცვლება. თებერვლამდე Coca-Cola თოვლისფერი იქნება, ხოლო ქვედა ნაწილში გამოსახული იქნება თეთრი დათვები. წითელ ფერში კომპანიის ლოგოტიპი დარჩება.
სულ გამოშვებული იქნება 1,4 მლრდ. ახალი გაფორმების ქილა. ამ კამპანიიდან Coca-Cola ველური ბუნების მსოფლიო ფონდს 2 მლნ. დოლარს შესწირავს.
შეგახსენებთ, რომ კომპანია Coca-Cola-მ ოქტომბრის დასაწყისში უკვე მეთორმეტედ დაიკავა პირველი ადგილი მსოფლიოს ყველაზე ძვირადღირებულ ბრენდებს შორის.