გამოცდების ეროვნულმა ცენტრმა 2011-2012 წლის ეროვნული სასწავლო ოლიმპიადის პირველი ეტაპისთვის რეგისტრაციის ვადები გამოაცხადა. მოსწავლეთა რეგისტრაცია 27 ოქტომბერს დასრულდება. მონაწილეთა ელექტრონულად რეგისტრაციისათვის გამოცდების ეროვნულმა ცენტრმა სპეციალური პროგრამა შეიმუშავა. პროცესს უშუალოდ სკოლები განახორციელებენ.
ეროვნული სასწავლო ოლიმპიადა ყოველწლიურად ტარდება შემდეგ საგნებში: ქართული ენა და ლიტერატურა, მათემატიკა, უცხოური ენები, ისტორია, გეოგრაფია, ფიზიკა, ქიმია, ბიოლოგია, ინფორმატიკა.
ოლიმპიადა 3 ტურად ტარდება როგორც ქართულ, ასევე სომხურ, აზერბაიჯანულ და რუსულ ენებზე.
პირველ ტურს ცენტრის მიერ მომზადებული მასალებით სკოლები ჩაატარებენ, მეორე და მესამე ტურს - გამოცდების ეროვნული ცენტრი.
