„თბილისის კინოთეატრებსა და ქართულ ინტერნეტპორტალებს შორის შეთანხმება შედგა. მიმდინარეობს მოლაპარაკებები, ვფიქრობ სასამართლო პროცესი აღარ შედგება", - განუცხადა „ჯი-ეიჩ-ენს" საქართველოს საავტორო უფლებათა ასოციაციის თავჯდომარე გიგა კობალაძემ.
შეგახსენებთ, რომ თბილისის კინოთეატრების ქსელი "ამირანი" და "რუსთაველი" ქართულ ინტერნეტპორტალებს მიყენებული მატერილური ზარალის ანაზღაურებას მოითხოვდა.
როგორც „ჯი-ეიჩ-ენს" კინოთეატრების პიარ-მენეჯერმა ირინა კილოსანიძემ განუცხადა პროცესი სასამართლომდე არ მივიდა და საბოლოო მოლაპარაკებამ წარმატებით ჩაიარა.
„კინოს და საიტის წარმომადგენლები ერთმანეთს შეხვდნენ და მოლაპარაკებამ წარმატებით ჩაიარა. ისინი თანამშრომლობაზე წამოვიდნენ და ის ფილმები, რომლებიც კინოთეატრებში გავა ინტერნეტსაიტებზე არ გამოქვეყნდება. სასამართლომდე არ მივიდა ეს საქმე, ყოველდღე ვაწარმოებთ მოლაპარაკებებს ახლადწამოჩეკილ საიტებთანაც", - განაცხადა „ჯი-ეიჩ-ენთან" კილოსანმა.
"ამ საკითხთან დაკავშირებით პირველად ჩვენ გავზარდეთ საზოგადოების ყურადღება, დავიწყეთ მოლაპარაკებები ყველა იმ ინტერნეტპორტალებთან, რომელიც უკანონოდ, არასანქცირებულად აქვეყნებს ასეთ პროდიქციას. უმრავლესობამ ვებგვერდისა დაგვთანხმდა და მათთან აღარ განთავსდება ის ფილმები, რომლებიც კინოთეატრების ქსელს ეკუთვნის", - განაცხადა გიგა კობალაძემ.
როგორც „ჯი-ეიჩ-ენისთვის" გახდა ცნობილი თუ საიტები მოლაპრაკებას არ დაარღვევენ, მაშინ კინოთეატრების მომხმარებელი 30%-ით გაიზრდება.
