დღეს, 25 ოქტომბერს, 12:00 საათზე ივანე ჯავახიშვილის სახელობის თბილისის სახელმწიფო უნივერსიტეტში თბილისის რამდენიმე საჯარო და კერძო სკოლასთან მემორანდუმი გაფორმდება.
საჯარო და კერძო სკოლებს (# 1, 6, 23, 55, 98, 161, 173, „მერმისი", „ბაქსვუდი" რობერ შუმანის სახ. სასწავლებელი) თსუ-ის საბავშვო უნივერსიტეტთან მჭიდრო თანამშრომლობა აკავშირებს.
მსგავსი მემორანდუმი უკვე გაფორმდა ქ.რუსთავის #24 საჯარო და კერძო სკოლა „მილენიუმთან".
უნივერსიტეტისა და სკოლის ურთიერთობის ახალი ფორმა თანამშრომლობის განვითარების მეტ საშუალებას იძლევა, რასაც ისიც შეუწყობს ხელს, რომ 2011 წლის სექტემბერში, თსუ-საბავშვო უნივერსიტეტი - „Unijunior at TSU" - სახელთ, ევროპის საბავშვო უნივერსიტეტების გაერთიანებაში - The European Children's Universities Network (EUCU.NET) - გაწევრიანდა.
