ბიზნესომბუდსმენი ბიზნეს ასოციაციების წარმომადგენლებს შეხვდება. როგორც სააგენტო "ჯი-ეიჩ-ენს" ომბუდსმენის აპარატიდან აცნობეს, 24 ოქტომბერს, 16:00 საათზე, სასტუმრო "რადისონ ბლუ ივერიაში" ბიზნეს ომბუდსმენი გიორგი პერტაია ბიზნეს ასოციაციებისა და კერძო სექტორის წარმომადგენლებს შეხვდება.
აღნიშნულ შეხვედრაზე მოწვეული იქნება შემოსავლების სამსახურის უფროსი, ჯაბა ებანოიძე, რომელიც მოხსენებას გააკეთებს: ,,საწყობის საქმიანობის" თაობაზე და საქართველოს პრემიერ-მინისტრის მთავარი მრჩეველი, ვაჟა პეტრიაშვილი, რომელიც მოხსენებას გააკეთებს ,,ლიზინგის შესახებ საქართველოს კანონი"-ს თაობაზე.