2012 წლის დასაწყისში საქართველოში ამერიკის შეერთებული შტატების სახელმწიფო მდივანი ჰილარი კლინტონი ჩამოვა. ამის შესახებ საქართველოს საგარეო საქმეთა მინისტრის მოადგილემ სერგი კაპანაძემ განაცხადა. კლინტონი საქართველოს საგარეო საქმეთა მინისტრთან ერთად ქარტიის ფარგლებში ომნიბუსის შეხვედრის თანათავჯდომარე იქნება.
"ჰილარი კლინტონის ვიზიტის დროს კიდევ ერთხელ დადასტურდება, რომ აშშ უდავოდ მხარს უჭერს საქართველოში მიმდინარე რეფორმებს, მხარს უჭერს საქართველოს ტერიტორიულ მთლიანობას და სუვერენიტეტს. ჩვენ ვაღრმავებთ თანამშრომლობას სხვადასხვა მიმართულებით", - განაცხადა კაპანაძემ.
ცნობისათვის, აშშ-ის სახელმწიფო მდივანი ჰილარი კლინტონი თბილისში 2010 წლის 5 მაისსაც ესტუმრა. მისი ვიზიტი 6 საათს გაგრძელდა.