Nabucco-ს კორპორაცია, Nabucco-ს გაზსადენის ღირებულებას გადახედავს. როგორც აზერბაიჯანულ სააგენტო Trend-ს Nabucco-ს ოფიციალურმა წარმომადგენელმა კრისტიან დოლეზალმა განუცხადა, წინასწარი მონაცემებით, პროექტის განსახორციელებლად, კაპიტალური დანახარჯები 7,9 მლრდ. ევროა, თუმცა ამ დროისათვის ბიუჯეტის გადახედვა მიმდინარეობს.
მიმდინარე თვეში ევროკომისარმა ენერგეტიკის საკითხებში, გიუნტერ ოტტინგერმა განმარტა, Nabucco-ს ღირებულება შესაძლოა 10-14 მლრდ. ევრომდე გაიზარდოს.
შეგახსენებთ, რომ Nabucco-ს კონსროციუმიში გაერთიანებულნი არიან თურქული კომპანია Botas, Bulgarian Energy Holding, უნგრული MOL PLC, ავსტრიული OMV Gas&Power, GmbH გერმანული RWE და რუმინული Transgaz.
პროექტის ყოველ მონაწილეს პროექტში 16,67 %-იანი წილი აქვს. TumcaRa International Petroleum Investment Company (IPIC) უკვე ფლობს აქციათა 20 %-ს ავსტრიულ OMV Gas&Power GmbH -ში.
Nabucco-ს პროექტი ითვალისწინებს კასპიური გაზის ევროპაში მოხვედრასც აზერბაიჯანის, საქართველოს, თურქეთის, ბულგარეთის, უნგრეთის, რუმინეთისა და ავსტრიის გავლით. პროექტის თანახმად, გაზსადენი ბაქო-თბილისი-ერზერულის გაზსადენის გაგრძელება გახდება და ყოველწლიურად 20-30 მლრდ კუბური მეტრის გაზის გატარებას უზრუნველყოფს.