"თბილისში მემანიშვილი, ნიკოლოზ რაჭველი კი უცხოეთში", - აღნიშნა "ჯი-ეიჩ-ენთან" მუსიკოსმა ნიკოლოზ მემანიშვილმა. მან გვარის შეცვლის შესახებ ინფორმაცია სოციალურ ქსელ "facebook"-ზე გაავრცელა. თუმცა, როგორც "ჯი-ეიჩ-ენთან" აღნიშნა, მიმართვის შეცვლილ ფორმას მხოლოდ საზღვარგარეთ გამოიყენებს.
"დასავლეთში მჭირდებოდა ახალი გვარი, საიმიჯოდ წარდგენა ჩემი ახალი გამოცემებისა, დისკები უნდა გამოვიდეს და ა.შ. თბილისში ხალხმა გადაწყვიტოს, როგორ მომმართავს. საზღვარგარეთ კი უკვე ნიკოლოზ რაჭველი ვარ. ახლა ნოემბერში დიდი გასტროლები მეწყება და ამ სახელით და გვარით წავრდგები. სახელი დავიტოვე იმიტომ, რომ წმიდანის სახელია და სულ მინდა, ნიკოლოზი მიწოდონ. რაც შეეხება რაჭველს, მე რაჭიდან ვარ, ძალიან მიყვარს და ძალიან მინდოდა ჩემს გვარში ყოფილიყო ჩემი კუთხე, შეიძლება ეს კუთხურობა ვიღაცისთვის არ იყოს მისაღები, მაგრამ მე ამაში არაფერი გამაღიზიანებელი არ ჩამიდია. უბრალოდ, გამოვხატე სიყვარული რაჭის მიმართ და ეს ბევრს მოეწონა. ვფიქრობ, ამას ნეგატიურად არ შეხვდება საზოგადოება", - განაცხადა "ჯი-ეიჩ-ენთან" მემანიშვილმა.
ცნობისთვის, მუსკომედიის თეატრის მუსიკალურმა ხელმძღვანელმა ინფორმაცია ამის შესახებ რამდენიმე დღის წინ გაავრცელა.
