საქართველო მნიშვნელოვნად აფართოებს თავის საგარეო პოლიტიკის გეოგრაფიულ არეალს. ამის შესახებ დღეს გამართულ ბრიფინგზე საქართველოს საგარეო საქმეთა მინისტრის პირველმა მოადგილემ ნიკოლოზ ვაშაკიძემ განაცხადა. მისი თქმით, ამის ნათელი დადასტურებაა საქართველოს საგარეო საქმეთა მინისტრის ვიზიტი ფიჯიში, ახალ ზელანდიასა და ავსტრალიაში.
"ავსტრალიის ქალაქ მელბურნში ვაშაძე შეხვდა ქვეყნის თანამეგობრობის საგარეო საქმეთა და ვაჭრობის მინისტრს. მხარეებმა განიხილეს როგორც ორმხრივი, ასევე მრავალმხრივი ურთიერთობების საკითხთა ფართო სპექტრი. განსაკუთრებული ყურადღება გამახვილდა საერთაშორისო ორგანიზაციების ფარგლებში თანამშრომლობის მნიშვნელობასა და ორმხრივი სავაჭრო ეკონომიკური კავშირების გააქტიურების აუცილებლობაზე. ავსტრალიიის საგარეო საქმეთა მინისტრმა მტკიცე მხარდაჭერა გამოთქვა საქართველოს სუვერენიტეტისა და ტერიტორიული მთლიანობის მიმართ", - განაცხადა ვაშაკიძემ.
მისი თქმით, საქართველოს საგარეო პოლიტიკის გეოგრაფიული არეალის გაფართოება მნიშვნელოვან როლს ითამაშებს საქართველოს საერთაშორისო წონის და პრესტიჟის გაძლიერებასა და ქვეყნის საბოლოოდ ჩამოყალიბებაში, როგორც საერთაშორისო თანამეგობრობის სრულფასოვანი მოთამაშის სახით.
