წუხელ ღამით რესტორან "ძველ ქალაქში" სისხლიანი გარჩევა მოხდა. ერთი ვერსიით ჩხუბი ახალგაზრდებს შორის მოხდა, რომლებიც რესტორანში მეგობრის დაბადების დღეს აღნიშნავდნენ.
წინასწარი ინფორმაციით ყველაფერი სიტყვიერი შეურაცხყოფით დაიწყო, რომელიც ხელჩართულ ჩხუბში გადაიზარდა. შეხლა-შემოხლა რესტორნის ეზოში და მიმდებარე ტერიტორიაზე გაგრძელდა, თუმცა, დროული აღკვეთა სამართალდამცავებმა შეძლეს.
ინციდენტის შედეგად ორი ახალგაზრდა დაშავდა, თუმცა სხეულზე მძიმე დაზიანება არც ერთ მათგანს არ მიუღია.
მომხდართან დაკავშირებით სისხლისსამართლის საქმეა აღძრული.
