ხაშურის რაიონ სოფელ გომთან ავტოსაგზაო შემთხვევა მსხვერპლით დასრულდა. ავტოსაგზაო შემთხვევის დროს "ჟიგულის" მარკის ავტომობილი "მერსედესის" მარკის ავტომობილს შეეჯახა.
თვითმხილველთა თქმით, შეჯახება იმდენად ძლიერი იყო, რომ აფეთქება გამოიწვია და "ჟიგულში" მსხდომი ორი ადამიანი ხანძრის შედეგად ადგილზე დაიღუპა.
"მერსედესის" მარკის ავტომობილში მსხდომმა პირებმა მსუბუქი დაზიანება მიიღეს. ხანძარი მალევე ჩააქრეს. აღნიშნულ ფაქტთან დაკავშირებით აღძრულია სისხლის სამართლის საქმე.
