2011 წლის სექტემბერში წინა თვესთან შედარებით საქართველოში ინფლაციის დონემ 0,6 პროცენტი შეადგინა. "საქსტატის" ინფორმაციით, მოცემულ პერიოდში ინფლაციის მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე:
სურსათისა და უალკოჰოლო სასმელების ჯგუფის ფასები გაიზარდა 1,1 პროცენტით და მისმა წვლილმა სექტემბრის თვის ინფლაციაში 0,46 პროცენტული პუნქტი შეადგინა. სტატისტიკის ეროვნული სამსახურის ინფორმაციით, ფასები მნიშვნელოვნად გაიზარდა შემდეგ ქვეჯგუფებზე: ბოსტნეული, ბაღჩეული, კარტოფილი და სხვა ბოლქოვანები (5,1 პროცენტით), რძე, ყველი და კვერცხი (2,5 პროცენტით), თევზეული (1,1 პროცენტით). ფასების შემცირება დაფიქსირდა ხილისა და ყურძნის ქვეჯგუფზე (4,3 პროცენტი).
ინფლაციის მაჩვენებლის ფორმირებაში მნიშვნელოვანი გავლენა იქონია ასევე, ფასების ცვლილებამ სასტუმროებისა და კაფეების მომსახურებაზე. მოცემულ პერიოდში ფასები გაიზარდა 2,2 პროცენტით. ჯგუფის წვლილმა ინფლაციის საერთო მაჩვენებელში 0,05 პროცენტული პუნქტი შეადგინა. რესტორნებისა და კაფეების მომსახურებაზე ფასები 2,8 პროცენტით გაიზარდა