2011 წლის პირველ ნახევარში, გასული წლის ანალოგიურ პერიოდთან შედარებით, ტურიზმის სფეროებში პროდუქციის მთლიანი გამოშვება 28%-ით გაიზარდა და 1 178,3 მლნ. ლარს გაუტოლდა. ტურიზმის სფეროების წილი ქვეყნის მთლიან გამოშვებაში, 2011 წლის ორი კვარტალის მიხედვით 7,4%-ია.
პროდუქციის მთლიანი გამოშვების მიხედვით, ზრდა და-ფიქსირდა ტურიზმის ყველა სფეროში. 2011 წლის ორ კვარტალში, გასული წლის ანალოგიურ პერიოდთან შედარებით, სახმელეთო ტრანსპორტის (სარკინიგზო, სხვა სახმელეთო და საზღვაო, კაბოტაჟური წყლის ტრანსპორტი) გამოშვება ტურიზმის სფეროებში გაიზარდა 47%-ით, სასტუმროებისა და კემპინგების მომსახურება - 26%-ით, სამოგზაურო ბიუროებისა და ტურისტული აგენტების საქმიანობა, ტურისტებისათვის დახმარების აღმოჩენა - 20%-ით, რესტორნების, ბარების, სასადილოების მომსახურება და მზა საკვების მიწოდება - 19%-ით და ა.შ.
ტურიზმის სფეროებში პროდუქციის მთლიანი გამოშვებაში სახმელეთო ტრანსპორტი (სარკინიგზო, სხვა სახმელეთო და საზღვაო, კაბოტაჟური წყლის ტრანსპორტი) ლიდერობს (39%), მას მოჰყვება რესტორნების, ბარების, სასადილოების მომსახუ-რება და მზა საკვების მიწოდება (30%), სამოგზაურო ბიუროე-ბისა და ტურისტული აგენტების საქმიანობა, ტურისტე-ბისათვის დახმარების აღმოჩენა (17%) და სხვა.