ხვალ, 3 ოქტომბერს, 10:00 საათზე, სასტუმრო "რადისონ ბლუ ივერიაში" საქართველოს ეკონომიკისა და მდგრადი განვითარების სამინისტროს ტრანსპორტის პოლიტიკის დეპარტამენტის და ტრასეკას სამთავრობათაშორისი კომისიის მუდმივმოქმედ სამდივნოს მხარდაჭერით პროექტის „ლოგისტიკური პროცესებისა და საზღვაო მაგისტრალები II" (LOGMOS) რეგიონალური შეხვედრა გაიმართება.
შეხვედრას გახსნის საქართველოს ეკონომიკისა და მდგრადი განვითარების მინისტრის მოადგილე, ტრასეკას ეროვნული მდივანი საქართველოში გიორგი კარბელაშვილი და ევროკავშირის წარმომადგენლები. შეხვედრაში მონაწილეობას მიიღებენ ტრასეკას შემდეგი ქვეყნები: თურქეთი, სომხეთი, აზერბაიჯანი, ყაზახეთი, ყირგიზეთი, ტაჯიკეთი, უზბეკეთი, თურქმენეთი.
აღნიშნული პროექტი ტრასეკას ფარგლებში განხორციელებული სამი ტექნიკური დახმარების პროექტის (შავი და კასპის ზღვების საზღვაო მაგისტრალები; საერთაშორისო ლოგისტიკური ცენტრები დასვლეთ NIS-ის (პოსტსაბჭოთა სივრცე) და კავკასიისთვის; საერთაშორისო ლოგისტიკური ცენტრები ცეტრლაური აზიის ქვეყნებისთვის) ერთგვარ გაგრძელებას წარმოადგენს. პროექტი ითვალისწინებს შავი და კასპიის ზღვების საზღვაო მაგისტრალების საპილოტე პროექტებისთვის ინვესტიციების მოზიდვას და ლოგისტიკური ცენტრების რეგიონალური ქსელის განვითარებას. შეხვედრის ფარგლებში მონაწილე მხარეები შეაჯამებენ ტრასეკას მიერ განხორციელებული პროექტების შედეგებს კავკასიის რეგიონში და ცენტრალურ აზიაში. ისინი აგრეთვე განიხილავენ და შეიმუშავებენ აღნიშნული პროექტების სამოქმედო გეგმას.
ტრასეკას (ევროპის და აზიის დამაკავშირებელი სატრანსპორტო დერეფანი) პროგრამა მიმართულია აღმოსავლეთ - დასავლეთის სატრასპორტო დერეფნის განვითარებისკენ, რომელიც სათავეს იღებს ევროპაში და სამხრეთ კავკასიის გავლით ცენტრალური აზიისკენ მიემართება. 1993 წლიდან დღემდე განხორცილებეულია 60-ზე მეტი ტექნიკური დახმარების და 14 საინვესტიციო პროექტი.
