ბათუმსა და უკრაინის პორტებს შორის ბორანი ივლის. ამის შესახებ პოლონეთში, აღმოსავლეთ პარტნიორობის სამიტის მიმდინარეობისას, უკრაინის ვიცე-პრემიერი ბორის კოლესნიკოვი და საქართველოს ეკონომიკისა და მდგრადი განვითარების მინისტრი ვერა ქობალია შეთანხმდნენ.
მინისტრებმა ორ ქვეყანას შორის სატრანსპორტო მიმოსვლის ოპტიმიზაციის საკითხზეც იმსჯელეს. კერძოდ, ისინი შეთანხმდნენ ხელშეკრულების გაფორმებაზე უკრაინასა და საქართველოს შორის, რომელიც ღია საჰაერო მიმოსვლას გულისხმობს. „ღია ცის პრინციპი" გულისხმობს ქვეყნების მიერ ავიაკომპანიებისათვის რეისების რაოდენობის შეზღუდვას. მხარეებმა იმედი გამოთქვეს, რომ შემდეგი შეთანხმება ხელმოწერილი იქნება ბათუმში დაგეგმილი სამიტის ფარგლებში.
შეგახსენებთ, დღემდე ბათუმის პორტიდან ბორანით მიმოსვლა უკრაინის პორტებიდან მხოლოდ ილიჩევსკის პორტთან ხორციელდებოდა.
