"ლიცენზიებისა და ნებართვების შესახებ" კანონში ცვლილებები შედის, რომლის მიხედვითაც უფუნქციო შენონების თუ მშნებელობების მეპატრონეებს მშენებლობის ნებართვის აღებისთვის 6-თვიანი ვადა ეძლევათ, ამის შემდეგ მათ დამატებით კვლავ ეძლევათ გონივრული ვადა. მთელი რიგი პროცედურების განუხორციელებლობის შემთხვევაში კი მესაკუთრეს შესაძლოა, საკუთრება სააღსრულებო კანონმდებლობის თანახმად ჩამოართვან.
როგორც საკანონმდებლო ინიციატივის ავტორმა ანდრო ალავიძემ განმარტა, აღნიშნული ინიციატივის მიზანი მხოლოდ და მხოლოდ ის არის, რომ ქალაქმა თუ რეგიონმა დაგეგმარებისთვის იცოდეს, სად რა შენობა და როგორ უნდა აშენდეს. მისივე თქმით, კანონპროექტის მიზანი დედაქალაქებსა თუ რეგიონებში პროგნოზირებადი გარემოს შექმნაა, ვინაიდან ამ კანონპროექტით შემოსაღები რეგულაციების გარეშე, უფუნქციოდ მიტოვებული შენობები, შესაძლებელია მრავალი წლის მანძილზე არსებობდეს. ამ კანონპროექტს ახალგაზრდა იურისტთა ასოციაცია ანტიკონსტიტუციურად აფასებს და ეს სხდომაზეც დააფიქსირეს.
ახალგაზრდა იურისტთა ასოციაციის წარმომადგენლის განცხადებით, მათი აზრით, კანონპროექტში არის მთელი რიგი ხარვეზები, რომლებიც ქვეყნის კონსტიტუციით გარანტირებული საკუთრების უფლებას არღვევს.